עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. זְכַרְיָה ו׳:י״ד

    והעטרת תהיה לחלם ולטוביה ולידעיה ולחן בן צפניה לזכרון בהיכל יהוה׃

  2. זְכַרְיָה ו׳:ט״ו

    ורחוקים יבאו ובנו בהיכל יהוה וידעתם כי יהוה צבאות שלחני אליכם והיה אם שמוע תשמעון בקול יהוה אלהיכם׃

  3. זְכַרְיָה ז׳:א׳

    ¶ ויהי בשנת ארבע לדריוש המלך היה דבר יהוה אל זכריה בארבעה לחדש התשעי בכסלו׃

  4. זְכַרְיָה ז׳:ב׳

    וישלח בית אל שר אצר ורגם מלך ואנשיו לחלות את פני יהוה׃

  5. זְכַרְיָה ז׳:ג׳

    לאמר אל הכהנים אשר לבית יהוה צבאות ואל הנביאים לאמר האבכה בחדש החמשי הנזר כאשר עשיתי זה כמה שנים׃

  6. זְכַרְיָה ז׳:ד׳

    ויהי דבר יהוה צבאות אלי לאמר׃

  7. זְכַרְיָה ז׳:ה׳

    אמר אל כל עם הארץ ואל הכהנים לאמר כי צמתם וספוד בחמישי ובשביעי וזה שבעים שנה הצום צמתני אני׃

  8. זְכַרְיָה ז׳:ז׳

    הלוא את הדברים אשר קרא יהוה ביד הנביאים הראשנים בהיות ירושלם ישבת ושלוה ועריה סביבתיה והנגב והשפלה ישב׃

  9. זְכַרְיָה ז׳:ח׳

    ויהי דבר יהוה אל זכריה לאמר׃

  10. זְכַרְיָה ז׳:ט׳

    כה אמר יהוה צבאות לאמר משפט אמת שפטו וחסד ורחמים עשו איש את אחיו׃

  11. זְכַרְיָה ז׳:י״ב

    ולבם שמו שמיר משמוע את התורה ואת הדברים אשר שלח יהוה צבאות ברוחו ביד הנביאים הראשנים ויהי קצף גדול מאת יהוה צבאות׃

  12. זְכַרְיָה ז׳:י״ג

    ויהי כאשר קרא ולא שמעו כן יקראו ולא אשמע אמר יהוה צבאות׃

  13. זְכַרְיָה ז׳:י״ד

    ואסערם על כל הגוים אשר לא ידעום והארץ נשמה אחריהם מעבר ומשב וישימו ארץ חמדה לשמה׃

  14. זְכַרְיָה ח׳:א׳

    ¶ ויהי דבר יהוה צבאות לאמר׃

  15. זְכַרְיָה ח׳:ב׳

    כה אמר יהוה צבאות קנאתי לציון קנאה גדולה וחמה גדולה קנאתי לה׃

  16. זְכַרְיָה ח׳:ג׳

    כה אמר יהוה שבתי אל ציון ושכנתי בתוך ירושלם ונקראה ירושלם עיר האמת והר יהוה צבאות הר הקדש׃

  17. זְכַרְיָה ח׳:ד׳

    כה אמר יהוה צבאות עד ישבו זקנים וזקנות ברחבות ירושלם ואיש משענתו בידו מרב ימים׃

  18. זְכַרְיָה ח׳:ו׳

    כה אמר יהוה צבאות כי יפלא בעיני שארית העם הזה בימים ההם גם בעיני יפלא נאם יהוה צבאות׃

  19. זְכַרְיָה ח׳:ז׳

    כה אמר יהוה צבאות הנני מושיע את עמי מארץ מזרח ומארץ מבוא השמש׃

  20. זְכַרְיָה ח׳:ח׳

    והבאתי אתם ושכנו בתוך ירושלם והיו לי לעם ואני אהיה להם לאלהים באמת ובצדקה׃

  21. זְכַרְיָה ח׳:ט׳

    כה אמר יהוה צבאות תחזקנה ידיכם השמעים בימים האלה את הדברים האלה מפי הנביאים אשר ביום יסד בית יהוה צבאות ההיכל להבנות׃

  22. זְכַרְיָה ח׳:י׳

    כי לפני הימים ההם שכר האדם לא נהיה ושכר הבהמה איננה וליוצא ולבא אין שלום מן הצר ואשלח את כל האדם איש ברעהו׃

  23. זְכַרְיָה ח׳:י״א

    ועתה לא כימים הראשנים אני לשארית העם הזה נאם יהוה צבאות׃

  24. זְכַרְיָה ח׳:י״ב

    כי זרע השלום הגפן תתן פריה והארץ תתן את יבולה והשמים יתנו טלם והנחלתי את שארית העם הזה את כל אלה׃

  25. זְכַרְיָה ח׳:י״ג

    והיה כאשר הייתם קללה בגוים בית יהודה ובית ישראל כן אושיע אתכם והייתם ברכה אל תיראו תחזקנה ידיכם׃