עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. יְשַׁעְיָהוּ כ״ה:ז׳

    ובלע בהר הזה פני הלוט הלוט על כל העמים והמסכה הנסוכה על כל הגוים׃

  2. יְשַׁעְיָהוּ כ״ה:ח׳

    בלע המות לנצח ומחה אדני יהוה דמעה מעל כל פנים וחרפת עמו יסיר מעל כל הארץ כי יהוה דבר׃

  3. יְשַׁעְיָהוּ כ״ה:ט׳

    ואמר ביום ההוא הנה אלהינו זה קוינו לו ויושיענו זה יהוה קוינו לו נגילה ונשמחה בישועתו׃

  4. יְשַׁעְיָהוּ כ״ה:י׳

    כי תנוח יד יהוה בהר הזה ונדוש מואב תחתיו כהדוש מתבן במי מדמנה׃

  5. יְשַׁעְיָהוּ כ״ה:י״א

    ופרש ידיו בקרבו כאשר יפרש השחה לשחות והשפיל גאותו עם ארבות ידיו׃

  6. יְשַׁעְיָהוּ כ״ה:י״ב

    ומבצר משגב חומתיך השח השפיל הגיע לארץ עד עפר׃

  7. יְשַׁעְיָהוּ כ״ו:א׳

    ¶ ביום ההוא יושר השיר הזה בארץ יהודה עיר עז לנו ישועה ישית חומות וחל׃

  8. יְשַׁעְיָהוּ כ״ו:ג׳

    יצר סמוך תצר שלום שלום כי בך בטוח׃

  9. יְשַׁעְיָהוּ כ״ו:ד׳

    בטחו ביהוה עדי עד כי ביה יהוה צור עולמים׃

  10. יְשַׁעְיָהוּ כ״ו:ה׳

    כי השח ישבי מרום קריה נשגבה ישפילנה ישפילה עד ארץ יגיענה עד עפר׃

  11. יְשַׁעְיָהוּ כ״ו:ז׳

    ארח לצדיק מישרים ישר מעגל צדיק תפלס׃

  12. יְשַׁעְיָהוּ כ״ו:ח׳

    אף ארח משפטיך יהוה קוינוך לשמך ולזכרך תאות נפש׃

  13. יְשַׁעְיָהוּ כ״ו:ט׳

    נפשי אויתיך בלילה אף רוחי בקרבי אשחרך כי כאשר משפטיך לארץ צדק למדו ישבי תבל׃

  14. יְשַׁעְיָהוּ כ״ו:י׳

    יחן רשע בל למד צדק בארץ נכחות יעול ובל יראה גאות יהוה׃

  15. יְשַׁעְיָהוּ כ״ו:י״א

    יהוה רמה ידך בל יחזיון יחזו ויבשו קנאת עם אף אש צריך תאכלם׃

  16. יְשַׁעְיָהוּ כ״ו:י״ב

    יהוה תשפת שלום לנו כי גם כל מעשינו פעלת לנו׃

  17. יְשַׁעְיָהוּ כ״ו:י״ג

    יהוה אלהינו בעלונו אדנים זולתך לבד בך נזכיר שמך׃

  18. יְשַׁעְיָהוּ כ״ו:י״ד

    מתים בל יחיו רפאים בל יקמו לכן פקדת ותשמידם ותאבד כל זכר למו׃

  19. יְשַׁעְיָהוּ כ״ו:ט״ו

    יספת לגוי יהוה יספת לגוי נכבדת רחקת כל קצוי ארץ׃

  20. יְשַׁעְיָהוּ כ״ו:ט״ז

    יהוה בצר פקדוך צקון לחש מוסרך למו׃

  21. יְשַׁעְיָהוּ כ״ו:י״ז

    כמו הרה תקריב ללדת תחיל תזעק בחבליה כן היינו מפניך יהוה׃

  22. יְשַׁעְיָהוּ כ״ו:כ׳

    לך עמי בא בחדריך וסגר דלתיך בעדך חבי כמעט רגע עד יעבור זעם׃

  23. יְשַׁעְיָהוּ כ״ו:כ״א

    כי הנה יהוה יצא ממקומו לפקד עון ישב הארץ עליו וגלתה הארץ את דמיה ולא תכסה עוד על הרוגיה׃

  24. יְשַׁעְיָהוּ כ״ז:א׳

    ¶ ביום ההוא יפקד יהוה בחרבו הקשה והגדולה והחזקה על לויתן נחש ברח ועל לויתן נחש עקלתון והרג את התנין אשר בים׃

  25. יְשַׁעְיָהוּ כ״ז:ג׳

    אני יהוה נצרה לרגעים אשקנה פן יפקד עליה לילה ויום אצרנה׃