God

אם אתה תשחר אל אל ואל שדי תתחנן׃

אם זך וישר אתה כי עתה יעיר עליך ושלם נות צדקך׃

כן ארחות כל שכחי אל ותקות חנף תאבד׃

הן אל לא ימאס תם ולא יחזיק ביד מרעים׃

עד ימלה שחוק פיך ושפתיך תרועה׃

אמנם ידעתי כי כן ומה יצדק אנוש עם אל׃

אם יחפץ לריב עמו לא יעננו אחת מני אלף׃

חכם לבב ואמיץ כח מי הקשה אליו וישלם׃

המעתיק הרים ולא ידעו אשר הפכם באפו׃

הן יעבר עלי ולא אראה ויחלף ולא אבין לו׃

הן יחתף מי ישיבנו מי יאמר אליו מה תעשה׃

אלוה לא ישיב אפו תחתו שחחו עזרי רהב׃

אף כי אנכי אעננו אבחרה דברי עמו׃

אם קראתי ויענני לא אאמין כי יאזין קולי׃

אשר בשערה ישופני והרבה פצעי חנם׃

אם לכח אמיץ הנה ואם למשפט מי יועידני׃

אם שוט ימית פתאם למסת נקים ילעג׃

ארץ נתנה ביד רשע פני שפטיה יכסה אם לא אפוא מי הוא׃

יגרתי כל עצבתי ידעתי כי לא תנקני׃

אז בשחת תטבלני ותעבוני שלמותי׃

כי לא איש כמני אעננו נבוא יחדו במשפט׃

יסר מעלי שבטו ואמתו אל תבעתני׃

אדברה ולא איראנו כי לא כן אנכי עמדי׃

אמר אל אלוה אל תרשיעני הודיעני על מה תריבני׃

הטוב לך כי תעשק כי תמאס יגיע כפיך ועל עצת רשעים הופעת׃