Zaburi116

Tamko la Kumpenda BWANA

1
Ninampenda Bwana kwa maana amesikia sauti yangu; amesikia kilio changu ili anihurumie.
2
Kwa sababu amenitegea sikio lake, nitamwita siku zote za maisha yangu.

Kukumbuka Taabu na Maombi ya Kukata Tamaa

3
Kamba za mauti zilinizunguka, maumivu makuu ya kuzimu yalinipata, nikalemewa na taabu na huzuni.
4
Ndipo nikaliitia jina la Bwana: “Ee Bwana, niokoe!”

Kutangaza Rehema na Haki ya Mungu

5
Bwana ni mwenye neema na haki, Mungu wetu ni mwingi wa huruma.
6
Bwana huwalinda wanyenyekevu, nilipokuwa katika shida kubwa, aliniokoa.
7
Ee nafsi yangu, tulia tena, kwa kuwa Bwana amekuwa mwema kwako.
8
Kwa kuwa wewe, Ee Bwana, umeniokoa nafsi yangu na mauti, macho yangu kutokana na machozi, miguu yangu kutokana na kujikwaa,
9
ili niweze kutembea mbele za Bwana, katika nchi ya walio hai.

Imani Iliyopimwa Katika Taabu

10
Niliamini, kwa hiyo nilisema, “Mimi nimeteseka sana.”
11
Katika taabu yangu nilisema, “Wanadamu wote ni waongo.”

Kushika Nadhiri na Ibada ya Hadhara

12
Nimrudishie Bwana nini kwa wema wake wote alionitendea?
13
Nitakiinua kikombe cha wokovu na kulitangaza jina la Bwana.
14
Nitazitimiza nadhiri zangu kwa Bwana mbele za watu wake wote.
15
Kifo cha watakatifu kina thamani machoni pa Bwana.
16
Ee Bwana, hakika mimi ni mtumishi wako, mimi ni mtumishi wako, mwana wa mjakazi wako; umeniweka huru toka katika minyororo yangu.
17
Nitakutolea dhabihu ya kukushukuru na kuliita jina la Bwana.
18
Nitazitimiza nadhiri zangu kwa Bwana mbele za watu wake wote,
19
katika nyua za nyumba ya Bwana, katikati yako, ee Yerusalemu. Msifuni Bwana.
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options