תְהִלִּיםקט״ז

הצהרת אהבה לה׳

א׳
אהבתי כי ישמע יהוה את קולי תחנוני׃
ב׳
כי הטה אזנו לי ובימי אקרא׃

זיכרון המצוקה והתפילה הנואשת

ג׳
אפפוני חבלי מות ומצרי שאול מצאוני צרה ויגון אמצא׃
ד׳
ובשם יהוה אקרא אנה יהוה מלטה נפשי׃

הכרזה על חסד האל ועל צדקתו

ה׳
חנון יהוה וצדיק ואלהינו מרחם׃
ו׳
שמר פתאים יהוה דלותי ולי יהושיע׃
ז׳
שובי נפשי למנוחיכי כי יהוה גמל עליכי׃
ח׳
כי חלצת נפשי ממות את עיני מן דמעה את רגלי מדחי׃
ט׳
אתהלך לפני יהוה בארצות החיים׃

האמונה נבחנת בעת צרה

י׳
האמנתי כי אדבר אני עניתי מאד׃
י״א
אני אמרתי בחפזי כל האדם כזב׃

קיום נדרים ועבודת ציבור

י״ב
מה אשיב ליהוה כל תגמולוהי עלי׃
י״ג
כוס ישועות אשא ובשם יהוה אקרא׃
י״ד
נדרי ליהוה אשלם נגדה נא לכל עמו׃
ט״ו
יקר בעיני יהוה המותה לחסידיו׃
ט״ז
אנה יהוה כי אני עבדך אני עבדך בן אמתך פתחת למוסרי׃
י״ז
לך אזבח זבח תודה ובשם יהוה אקרא׃
י״ח
נדרי ליהוה אשלם נגדה נא לכל עמו׃
י״ט
בחצרות בית יהוה בתוככי ירושלם הללו יה׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options