תְהִלִּיםס״א

תפילה למקלט בעת צרה

א׳
למנצח על נגינת לדוד שמעה אלהים רנתי הקשיבה תפלתי׃
ב׳
מקצה הארץ אליך אקרא בעטף לבי בצור ירום ממני תנחני׃
ג׳
כי היית מחסה לי מגדל עז מפני אויב׃
ד׳
אגורה באהלך עולמים אחסה בסתר כנפיך סלה׃

ביטחון בברית עולם עם האלוהים

ה׳
כי אתה אלהים שמעת לנדרי נתת ירשת יראי שמך׃
ו׳
ימים על ימי מלך תוסיף שנותיו כמו דר ודר׃
ז׳
ישב עולם לפני אלהים חסד ואמת מן ינצרהו׃

נדר להלל תמיד

ח׳
כן אזמרה שמך לעד לשלמי נדרי יום יום׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options