מתיוכ״ח

תחיית ישוע

א׳
ואחרי מוצאי השבת כשהאיר לאחד בשבת באה מרים המגדלית ומרים האחרת לראות את הקבר׃
ב׳
והנה רעש גדול היה כי מלאך יהוה ירד מן השמים ויגש ויגל את האבן מן הפתח וישב עליה׃
ג׳
ויהי מראהו כברק ולבושו לבן כשלג׃
ד׳
ומפחדו נבהלו השמרים ויהיו כמתים׃
ה׳
ויען המלאך ויאמר אל הנשים אתן אל תיראן הן ידעתי כי את ישוע הנצלב אתן מבקשות׃
ו׳
איננו פה כי קם כאשר אמר באנה ראינה את המקום אשר שכב שם האדון׃
ז׳
ומהרתן ללכת ואמרתן אל תלמידיו כי קם מן המתים והנה הוא הולך לפניכם הגלילה ושם תראהו הנה אמרתי לכן׃
ח׳
ותמהרנה לצאת מן הקבר ביראה ובשמחה גדולה ותרצנה להגיד לתלמידיו׃
ט׳
הנה הלכות להגיד לתלמידיו והנה ישוע נקרה אליהן ויאמר שלום לכן ותגשנה ותאחזנה ברגליו ותשתחוין לו׃
י׳
ויאמר אליהן ישוע אל תיראן לכנה והגדן לאחי וילכו הגלילה ושם יראוני׃

דיווח השומרים והשוחד

י״א
ויהי בלכתן והנה אנשים מן המשמר באו העירה ויגידו לראשי הכהנים את כל הנעשה׃
י״ב
ויקהלו עם הזקנים ויתיעצו ויתנו כסף לרב אל אנשי הצבא לאמר׃
י״ג
אמרו כי באו תלמידיו לילה ויגנבו אותו בהיותנו ישנים׃
י״ד
ואם ישמע הדבר לפני ההגמון אנחנו נפיסהו והייתם בלי פחד׃
ט״ו
ויקחו את הכסף ויעשו כאשר למדו ותצא השמועה הזאת בין היהודים עד היום הזה׃

השליחות הגדולה

ט״ז
ועשתי עשר התלמידים הלכו הגלילה אל ההר אשר צום ישוע׃
י״ז
ויהי כראותם אתו וישתחוו לו ומקצתם נחלקו בלבם׃
י״ח
ויגש ישוע וידבר אליהם לאמר נתן לי כל שלטן בשמים ובארץ׃
י״ט
לכו ועשו לתלמידים את כל הגוים וטבלתם אתם לשם האב והבן ורוח הקדש׃
כ׳
ולמדתם אתם לשמר את כל אשר צויתי אתכם והנה אנכי אתכם כל הימים עד קץ העולם אמן׃
Use ← → arrow keys to navigate
Settings

Reading Style

Typeface

Font Size 19px

Options