אִגֶּרֶת יַעֲקֹבא׳

ברכה ואל הנמענים

א׳
יעקב עבד אלהים ואדנינו ישוע המשיח שאל לשלום שנים עשר השבטים הנפוצים׃

הניסיונות מולידים התמדה

ב׳
אך לשמחה חשבו לכם אחי כאשר תבאו בנסינות שונים׃
ג׳
בדעתכם כי בחן אמונתכם מביא לידי סבלנות׃
ד׳
והסבלנות שלמה תהיה בפעלה להיותכם שלמים ותמימים ולא תחסרו כל דבר׃

בקשת חכמה באמונה

ה׳
ואיש מכם כי יחסר חכמה יבקשנה מאלהים הנותן לכל בנדיבה ובאין גערה ותנתן לו׃
ו׳
רק יבקש באמונה ובבלי ספק כי בעל ספק דומה לגלי הים הסער והנגרש׃
ז׳
והאיש ההוא אל ידמה בנפשו כי ישא דבר מאת יהוה׃
ח׳
איש אשר חלק לבו הפכפך הוא בכל דרכיו׃
ט׳
אבל האח השפל יתהלל ברוממתו׃
י׳
והעשיר יתהלל בשפלותו כי יעבר כציץ החציר׃
י״א
כי זרח השמש בחמתו וייבש את החציר ויבל ציצו וחסד מראהו אבד כן יבול העשיר בהליכותיו׃

הפיתוי אינו מאת האלוהים

י״ב
אשרי האיש העמד בנסיונו כי כאשר נבחן ישא עטרת החיים אשר הבטיח יהוה לאהביו׃

מקור הפיתוי

י״ג
אל יאמר המנסה האלהים נסני כי האלהים איננו מנסה ברע והוא לא ינסה איש׃
י״ד
כי אם ינסה כל איש בתאות נפשו אשר תסיתהו ותפתהו׃
ט״ו
ואחרי כן הרתה התאות ותלד חטא והחטא כי נשלם יוליד את המות׃
ט״ז
אל תתעו אחי אהובי׃
י״ז
כל מתנה טובה וכל מנחה שלמה תרד ממעל מאת אבי האורות אשר חלוף וכל צל שנוי אין עמו׃
י״ח
הוא בחפצו ילד אותנו בדבר האמת להיותנו כמו ראשית בכורי יצוריו׃

שמיעה, דיבור וכעס

י״ט
על זאת אחי אהובי יהי כל איש מהיר לשמע קשה לדבר וקשה לכעוס׃
כ׳
כי כעס אדם לא יפעל צדקת אלהים׃
כ״א
לכן הסירו מעליכם כל טנוף ותרבות רעה וקבלו בענוה את הדבר הנטוע בכם אשר יכל להושיע את נפשתיכם׃

היו עושי הדבר

כ״ב
והיו עשי הדבר ולא שמעיו לבד לרמות את נפשכם׃
כ״ג
כי האיש אשר רק שמע את הדבר ולא עשהו נמשל לאיש מביט את תאר הויתו במראה׃
כ״ד
כי הביט אל מראהו וילך לו וברגע שכח מה תארו׃
כ״ה
אבל המשקיף בתורה השלמה תורת החרות ומחזיק בה אשר איננו שמע ושכח כי אם עשה בפעל אשרי האיש ההוא במעשהו׃

הגדרת הדת האמיתית

כ״ו
איש מכם אם ידמה להיות עבד אלהים ואיננו שם רסן ללשנו כי אם מתעה הוא את לבבו עבדתו אך לריק תהיה׃
כ״ז
זאת העבודה הטהורה והברה לפני האלהים אבינו לבקר את היתומים והאלמנות בלחצם ולשמר את עצמו נקי מחלאת העולם׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options