בְּרֵאשִׁיתכ״ג

מות שרה ואבל אברהם

א׳
ויהיו חיי שרה מאה שנה ועשרים שנה ושבע שנים שני חיי שרה׃
ב׳
ותמת שרה בקרית ארבע הוא חברון בארץ כנען ויבא אברהם לספד לשרה ולבכתה׃

אברהם מבקש מקום קבורה

ג׳
ויקם אברהם מעל פני מתו וידבר אל בני חת לאמר׃
ד׳
גר ותושב אנכי עמכם תנו לי אחזת קבר עמכם ואקברה מתי מלפני׃
ה׳
ויענו בני חת את אברהם לאמר לו׃
ו׳
שמענו אדני נשיא אלהים אתה בתוכנו במבחר קברינו קבר את מתך איש ממנו את קברו לא יכלה ממך מקבר מתך׃

המשא ומתן ורכישת המכפלה

ז׳
ויקם אברהם וישתחו לעם הארץ לבני חת׃
ח׳
וידבר אתם לאמר אם יש את נפשכם לקבר את מתי מלפני שמעוני ופגעו לי בעפרון בן צחר׃
ט׳
ויתן לי את מערת המכפלה אשר לו אשר בקצה שדהו בכסף מלא יתננה לי בתוככם לאחזת קבר׃
י׳
ועפרון ישב בתוך בני חת ויען עפרון החתי את אברהם באזני בני חת לכל באי שער עירו לאמר׃
י״א
לא אדני שמעני השדה נתתי לך והמערה אשר בו לך נתתיה לעיני בני עמי נתתיה לך קבר מתך׃
י״ב
וישתחו אברהם לפני עם הארץ׃
י״ג
וידבר אל עפרון באזני עם הארץ לאמר אך אם אתה לו שמעני נתתי כסף השדה קח ממני ואקברה את מתי שמה׃
י״ד
ויען עפרון את אברהם לאמר לו׃
ט״ו
אדני שמעני ארץ ארבע מאת שקל כסף ביני ובינך מה הוא ואת מתך קבר׃
ט״ז
וישמע אברהם אל עפרון וישקל אברהם לעפרן את הכסף אשר דבר באזני בני חת ארבע מאות שקל כסף עבר לסחר׃
י״ז
ויקם שדה עפרון אשר במכפלה אשר לפני ממרא השדה והמערה אשר בו וכל העץ אשר בשדה אשר בכל גבלו סביב׃
י״ח
לאברהם למקנה לעיני בני חת בכל באי שער עירו׃

שרה נקברת במערת המכפלה

י״ט
ואחרי כן קבר אברהם את שרה אשתו אל מערת שדה המכפלה על פני ממרא הוא חברון בארץ כנען׃
כ׳
ויקם השדה והמערה אשר בו לאברהם לאחזת קבר מאת בני חת׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options