קֹהֶלֶתי׳

משקל הכסילות והחכמה

א׳
זבובי מות יבאיש יביע שמן רוקח יקר מחכמה מכבוד סכלות מעט׃
ב׳
לב חכם לימינו ולב כסיל לשמאלו׃
ג׳
וגם בדרך כשהסכל הלך לבו חסר ואמר לכל סכל הוא׃

זהירות בהתנהלות עם שליטים

ד׳
אם רוח המושל תעלה עליך מקומך אל תנח כי מרפא יניח חטאים גדולים׃
ה׳
יש רעה ראיתי תחת השמש כשגגה שיצא מלפני השליט׃
ו׳
נתן הסכל במרומים רבים ועשירים בשפל ישבו׃
ז׳
ראיתי עבדים על סוסים ושרים הלכים כעבדים על הארץ׃

סיכונים מעשיים וערך המיומנות

ח׳
חפר גומץ בו יפול ופרץ גדר ישכנו נחש׃
ט׳
מסיע אבנים יעצב בהם בוקע עצים יסכן בם׃
י׳
אם קהה הברזל והוא לא פנים קלקל וחילים יגבר ויתרון הכשיר חכמה׃
י״א
אם ישך הנחש בלוא לחש ואין יתרון לבעל הלשון׃

דיבורו ההרסני של הכסיל

י״ב
דברי פי חכם חן ושפתות כסיל תבלענו׃
י״ג
תחלת דברי פיהו סכלות ואחרית פיהו הוללות רעה׃
י״ד
והסכל ירבה דברים לא ידע האדם מה שיהיה ואשר יהיה מאחריו מי יגיד לו׃
ט״ו
עמל הכסילים תיגענו אשר לא ידע ללכת אל עיר׃

שלטון, עצלות ויציבות

ט״ז
אי לך ארץ שמלכך נער ושריך בבקר יאכלו׃
י״ז
אשריך ארץ שמלכך בן חורים ושריך בעת יאכלו בגבורה ולא בשתי׃
י״ח
בעצלתים ימך המקרה ובשפלות ידים ידלף הבית׃
י״ט
לשחוק עשים לחם ויין ישמח חיים והכסף יענה את הכל׃
כ׳
גם במדעך מלך אל תקלל ובחדרי משכבך אל תקלל עשיר כי עוף השמים יוליך את הקול ובעל הכנפים יגיד דבר׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options