ईयोब आपल्या तक्रारीचे समर्थन करतो

इय्योब ६:१-७

१

इय्योबाने उत्तर दिले:

२

“माझे क्लेश जर केवळ तोलून पाहिले आणि माझी सर्व विपत्ती तागडीत घातली तर!

३

ते खचितच वजनाने समुद्राच्या वाळूपेक्षा जास्त भरतील. म्हणूनच माझे शब्द उतावळेपणाचे आहेत ह्यात काही आश्चर्य नाही.

४

सर्वसमर्थाचे बाण माझ्यात शिरले आहेत, त्या बाणांचे विष माझा आत्मा पिऊन टाकतो; परमेश्वराचा आतंक माझ्याविरुद्ध उभा आहे.

५

गवत मिळते तेव्हा रानगाढव ओरडते काय, किंवा बैलापुढे चारा असतो तेव्हा तो हंबरतो काय?

६

बेचव पदार्थ मिठावाचून खाता येतो काय, किंवा अंड्याच्या पांढर्‍या बलकाला रुची असते काय?

७

त्याला मी स्पर्श करण्याचे नाकारतो; असे अन्न मला आजारी बनवते.