TRV
אִגֶּרֶת פּוֹלוֹס הַשָּׁלִיחַ אֶל־הָרוֹמִיִּים ג׳:א׳-כ׳
א׳
¶ ועתה מה הוא יתרון היהודי ומה היא תועלת המילה׃
ב׳
הרבה מכל פנים בראשון כי הפקדו בידם דברי אלהים׃
ג׳
כי מה הוא אם מקצתם לא האמינו היבטל חסרון אמונתם את אמונת אלהים׃
ד׳
חלילה אבל יהי האל הוא הנאמן וכל האדם כזב ככתוב למען תצדק בדברך תזכה בשפטך׃
ה׳
ואם עולתנו תרומם את צדקת האלהים מה נאמר הכי יש עול באלהים המשלח חרון אפו לפי דרך בני אדם אנכי מדבר׃
ו׳
חלילה שאם כן איך ישפט האלהים את העולם׃
ז׳
כי אם על ידי כזבי תרבה ותפרץ אמת אלהים לתהלתו למה זה אני אשפט עוד כחוטא׃
ח׳
ולא נעשה כדבר מחרפינו ומקצת מוציאי דבה עלינו לאמר הנה אמרים נעשה הרע למען יצא הטוב אשר דינם יבא עליהם בצדק׃
ט׳
ועתה מה הוא היש לנו מעלה יתרה לא במאומה כבר הוכחנו כי גם היהודים גם היונים כלם הם תחת החטא׃
י׳
ככתוב אין צדיק אין גם אחד׃
י״א
אין משכיל אין דרש את אלהים׃
י״ב
הכל סר יחדו נאלחו אין עשה טוב אין גם אחד׃
י״ג
קבר פתוח גרונם לשונם יחליקון חמת עכשוב תחת שפתימו׃
י״ד
אשר אלה פיהם מלא ומררות׃
ט״ו
רגליהם ימהרו לשפך דם׃
ט״ז
שד ושבר במסלותם׃
י״ז
ודרך שלום לא ידעו׃
י״ח
אין פחד אלהים לנגד עיניהם׃
י״ט
ואנחנו ידענו כי כל מה שאמרה התורה מדברת אל אלה אשר תחת התורה למען יסכר כל פה והיה כל העולם מחיב לפני אלהים׃
כ׳
יען אשר ממעשי התורה לא יצדק לפניו כל בשר כי על ידי התורה דעת החטא׃
Settings