בלעם מגיע למואב

בְּמִדְבַּר כ״ב:ל״ו-מ״א

ל״ו

וישמע בלק כי בא בלעם ויצא לקראתו אל עיר מואב אשר על גבול ארנן אשר בקצה הגבול׃

ל״ז

ויאמר בלק אל בלעם הלא שלח שלחתי אליך לקרא לך למה לא הלכת אלי האמנם לא אוכל כבדך׃

ל״ח

ויאמר בלעם אל בלק הנה באתי אליך עתה היכול אוכל דבר מאומה הדבר אשר ישים אלהים בפי אתו אדבר׃

ל״ט

וילך בלעם עם בלק ויבאו קרית חצות׃

מ׳

ויזבח בלק בקר וצאן וישלח לבלעם ולשרים אשר אתו׃

מ״א

ויהי בבקר ויקח בלק את בלעם ויעלהו במות בעל וירא משם קצה העם׃