מתיו כ״ז:מ״ה-נ״א

מ״ה

ומשעה הששית היה חשך על כל הארץ עד השעה התשיעית׃

מ״ו

וכעת השעה התשיעית ויצעק ישוע בקול גדול אלי אלי למה שבקתני ותרגומו אלי אלי למה עזבתני׃

מ״ז

ויאמרו מקצת העמדים שם כשמעם את זאת לאמר אל אליהו הוא קורא׃

מ״ח

וימהר אחד מהם וירץ ויקח ספוג וימלא אתו חמץ וישימהו על קנה וישקהו׃

מ״ט

ושאר האנשים אמרו הניחו לו ונראה אם יבוא אליהו להושיעו׃

נ׳

וישוע הוסיף לקרא בקול גדול ותצא רוחו׃

נ״א

והנה נקרעה פרכת ההיכל מלמעלה למטה לשנים קרעים והארץ נרעשה והסלעים נבקעו׃