הַבְּשׂוֹרָה הַקְּדוֹשָׁה עַל־פִּי מַרְקוֹס א׳:ל״ד-מ׳

ל״ד

וירפא רבים אשר היו חולים חליים שונים ויגרש שדים הרבה ולא נתן את השדים לדבר כי ידעהו׃

ל״ה

וישכם ממחרת בעוד לילה ויצא וילך אל מקום חרבה ויתפלל שם׃

ל״ו

וירדפו אחריו שמעון והאנשים אשר אתו׃

ל״ז

וימצאהו ויאמרו אליו הנה כלם מבקשים אותך׃

ל״ח

ויאמר אליהם נעברה מזה אל ערי הפרזות הקרבות ואקרא גם שם כי בעבור זאת יצאתי׃

ל״ט

ויהי קרא בבתי כנסיותיהם בכל הגליל ויגרש את השדים׃

מ׳

ויבוא אליו איש מצרע ויתחנן אליו ויכרע על ברכיו ויאמר לו אם תרצה תוכל לטהרני׃