TRV
הבְּשׂוֹרָה הַקְּדוֹשָׁה עַל־פִּי לוּקָס כ״ב:ז׳-כ׳
ז׳
ויבא יום המצות אשר זבוח יזבח בו הפסח׃
ח׳
וישלח את פטרוס ואת יוחנן לאמר לכו והכינו לנו את הפסח ונאכלה׃
ט׳
ויאמרו אליו באי זה מקום תחפץ כי נכין אותו׃
י׳
ויאמר אליהם הנה אתם באים העירה ופגע אתכם איש נשא צפחת מים לכו אחריו אל הבית אשר יבוא שמה׃
י״א
ואמרתם אל בעל הבית כה אמר לך הרב איה המלון אשר אכלה שם את הפסח עם תלמידי׃
י״ב
והוא יראה אתכם עליה גדולה מצעה שם תכינו׃
י״ג
וילכו וימצאו כאשר דבר אליהם ויכינו את הפסח׃
י״ד
ויהי כאשר הגיעה השעה ויסב הוא ושנים עשר השליחים אתו׃
ט״ו
ויאמר אליהם נכסף נכספתי לאכל אתכם את הפסח הזה לפני ענותי׃
ט״ז
כי אמר אני לכם אינני אכל אותו עוד עד כי ימלא במלכות האלהים׃
י״ז
ויקח את הכוס ויברך ויאמר קחו אתה וחלקו ביניכם׃
י״ח
כי אמר אני לכם שתה לא אשתה מעתה מתנובת הגפן עד כי תבוא מלכות האלהים׃
י״ט
ויקח את הלחם ויברך ויבצע ויתן להם לאמר זה גופי הנתן בעדכם זאת עשו לזכרוני׃
כ׳
וכן גם את הכוס אחר הסעודה לאמר זו הכוס היא הברית החדשה בדמי הנשפך בעדכם׃
Settings