הבְּשׂוֹרָה הַקְּדוֹשָׁה עַל־פִּי לוּקָס כ״ב:כ״ז-ל״ח
כ״ז
כי מי הוא הגדול אם המסב או המשרת הלא המסב ואני הנני בתוככם כמו המשרת׃
כ״ח
ואתם הם העמדים עמדי עד עתה בנסיונתי׃
כ״ט
לכן אני מנחיל אתכם כאשר הנחילני אבי את המלכות׃
ל׳
למען תאכלו ותשתו על שלחני במלכותי וישבתם על כסאות לשפט את שנים עשר שבטי ישראל׃
ל״א
ויאמר האדון שמעון שמעון הנה תבע אתכם השטן לזרותכם כחטים׃
ל״ב
ואני התפללתי בעדך אשר לא תכלה אמונתך ואתה כאשר תשוב חזק את אחיך׃
ל״ג
והוא אמר אליו אדני הנני נכון ללכת אתך גם לבית האסורים גם למות׃
ל״ד
ויאמר אני אמר לך פטרוס לא יקרא תרנגל היום עד כי שלש פעמים כחשת בי לאמר לא ידעתיו׃
ל״ה
ויאמר אליהם כאשר שלחתי אתכם בלי כיס ותרמיל ונעלים החסרתם דבר ויאמרו לא חסרנו כל דבר׃
ל״ו
ויאמר אליהם אכן עתה אשר לו כיס ישאהו וכן גם את התרמיל ואשר אין לו הוא ימכר את בגדו ויקנה חרב׃
ל״ז
כי אמר אני לכם אשר צריך עוד להתמלא בי הכתוב הזה ואת פשעים נמנה כי כל הכתוב עלי בא עד קצו׃
ל״ח
ויאמרו אדנינו הנה פה שתי חרבות ויאמר אליהם די׃
Settings