אני הוא הרועה הטוב

ז׳

ויוסף ישוע וידבר אליהם אמן אמן אני אמר לכם אני הוא דלת הצאן׃

ח׳

כל אשר באו לפני גנבים המה ופריצים והצאן לא שמעו לקולם׃

ט׳

אנכי הדלת איש כי יבוא בי יושע ובצאתו ובבואו ימצא מרעה׃

י׳

הגנב לא יבוא כי אם לגנוב ולהרוג ולאבד ואני באתי לבעבור הביא להם חיים ומלא ספקם׃

י״א

אנכי הוא הרעה הטוב הרעה הטוב יתן את נפשו בעד צאנו׃

י״ב

והשכיר אשר לא רעה הוא והצאן לא לו הנה בראותו כי בא הזאב יעזב את הצאן ונס והזאב יחטף ויפיץ את הצאן׃

י״ג

השכיר ינוס כי שכיר הוא ולא ידאג לצאן׃

י״ד

אני הרעה הטוב וידעתי את אשר לי ונודעתי לאשר לי׃

ט״ו

כאשר האב ידעני ואני ידעתי את האב ואת נפשי אתן בעד הצאן׃

ט״ז

וצאן אחרות יש לי אשר אינן מן המכלה הזאת ועלי לנהל גם אתן ותשמענה קולי והיה עדר אחד ורעה אחד׃

י״ז

על כן אהב אתי אבי כי את נפשי אתן למען אשוב ואקחה׃

י״ח

ואיש לא יקחנה מאתי כי אם אני מעצמי אתננה יש בידי לתת אתה ובידי לשוב לקחתה את המצוה הזאת לקחתי מעם אבי׃