כוחו וחוכמתו העליונים של אלוהים

אִיּוֹב ל״ו:כ״ב-ל״ג

כ״ב

הן אל ישגיב בכחו מי כמהו מורה׃

כ״ג

מי פקד עליו דרכו ומי אמר פעלת עולה׃

כ״ד

זכר כי תשגיא פעלו אשר שררו אנשים׃

כ״ה

כל אדם חזו בו אנוש יביט מרחוק׃

כ״ו

הן אל שגיא ולא נדע מספר שניו ולא חקר׃

כ״ז

כי יגרע נטפי מים יזקו מטר לאדו׃

כ״ח

אשר יזלו שחקים ירעפו עלי אדם רב׃

כ״ט

אף אם יבין מפרשי עב תשאות סכתו׃

ל׳

הן פרש עליו אורו ושרשי הים כסה׃

ל״א

כי בם ידין עמים יתן אכל למכביר׃

ל״ב

על כפים כסה אור ויצו עליה במפגיע׃

ל״ג

יגיד עליו רעו מקנה אף על עולה׃