עבד ה׳

יְשַׁעְיָהוּ מ״ב:א׳-ז׳

א׳

¶ הן עבדי אתמך בו בחירי רצתה נפשי נתתי רוחי עליו משפט לגוים יוציא׃

ב׳

לא יצעק ולא ישא ולא ישמיע בחוץ קולו׃

ג׳

קנה רצוץ לא ישבור ופשתה כהה לא יכבנה לאמת יוציא משפט׃

ד׳

לא יכהה ולא ירוץ עד ישים בארץ משפט ולתורתו איים ייחילו׃

ה׳

כה אמר האל יהוה בורא השמים ונוטיהם רקע הארץ וצאצאיה נתן נשמה לעם עליה ורוח להלכים בה׃

ו׳

אני יהוה קראתיך בצדק ואחזק בידך ואצרך ואתנך לברית עם לאור גוים׃

ז׳

לפקח עינים עורות להוציא ממסגר אסיר מבית כלא ישבי חשך׃