היהודים מגינים על עצמם

א׳

¶ ובשנים עשר חדש הוא חדש אדר בשלושה עשר יום בו אשר הגיע דבר המלך ודתו להעשות ביום אשר שברו איבי היהודים לשלוט בהם ונהפוך הוא אשר ישלטו היהודים המה בשנאיהם׃

ב׳

נקהלו היהודים בעריהם בכל מדינות המלך אחשורוש לשלח יד במבקשי רעתם ואיש לא עמד לפניהם כי נפל פחדם על כל העמים׃

ג׳

וכל שרי המדינות והאחשדרפנים והפחות ועשי המלאכה אשר למלך מנשאים את היהודים כי נפל פחד מרדכי עליהם׃

ד׳

כי גדול מרדכי בבית המלך ושמעו הולך בכל המדינות כי האיש מרדכי הולך וגדול׃

ה׳

ויכו היהודים בכל איביהם מכת חרב והרג ואבדן ויעשו בשנאיהם כרצונם׃

ו׳

ובשושן הבירה הרגו היהודים ואבד חמש מאות איש׃

ז׳

ואת פרשנדתא ואת דלפון ואת אספתא׃

ח׳

ואת פורתא ואת אדליא ואת ארידתא׃

ט׳

ואת פרמשתא ואת אריסי ואת ארדי ואת ויזתא׃

י׳

עשרת בני המן בן המדתא צרר היהודים הרגו ובבזה לא שלחו את ידם׃

י״א

ביום ההוא בא מספר ההרוגים בשושן הבירה לפני המלך׃

Reading Style

Typeface

Font Size 19px

Reading Width 45 chars

Options