2 דִּבְרֵי הַיָּמִים כ״ד:ד׳-י״ד

יואש מתקן את בית המקדש

2 דִּבְרֵי הַיָּמִים כ״ד:ד׳-י״ד
ד׳
ויהי אחריכן היה עם לב יואש לחדש את בית יהוה׃
ה׳
ויקבץ את הכהנים והלוים ויאמר להם צאו לערי יהודה וקבצו מכל ישראל כסף לחזק את בית אלהיכם מדי שנה בשנה ואתם תמהרו לדבר ולא מהרו הלוים׃
ו׳
ויקרא המלך ליהוידע הראש ויאמר לו מדוע לא דרשת על הלוים להביא מיהודה ומירושלם את משאת משה עבד יהוה והקהל לישראל לאהל העדות׃
ז׳
כי עתליהו המרשעת בניה פרצו את בית האלהים וגם כל קדשי בית יהוה עשו לבעלים׃
ח׳
ויאמר המלך ויעשו ארון אחד ויתנהו בשער בית יהוה חוצה׃
ט׳
ויתנו קול ביהודה ובירושלם להביא ליהוה משאת משה עבד האלהים על ישראל במדבר׃
י׳
וישמחו כל השרים וכל העם ויביאו וישליכו לארון עד לכלה׃
י״א
ויהי בעת יביא את הארון אל פקדת המלך ביד הלוים וכראותם כי רב הכסף ובא סופר המלך ופקיד כהן הראש ויערו את הארון וישאהו וישיבהו אל מקמו כה עשו ליום ביום ויאספו כסף לרב׃
י״ב
ויתנהו המלך ויהוידע אל עושה מלאכת עבודת בית יהוה ויהיו שכרים חצבים וחרשים לחדש בית יהוה וגם לחרשי ברזל ונחשת לחזק את בית יהוה׃
י״ג
ויעשו עשי המלאכה ותעל ארוכה למלאכה בידם ויעמידו את בית האלהים על מתכנתו ויאמצהו׃
י״ד
וככלותם הביאו לפני המלך ויהוידע את שאר הכסף ויעשהו כלים לבית יהוה כלי שרת והעלות וכפות וכלי זהב וכסף ויהיו מעלים עלות בבית יהוה תמיד כל ימי יהוידע׃
קרא פרק מלא כ״ד
Settings

Reading Style

Typeface

Font Size 19px

Reading Width 45 chars

Options