אזהרות מתולדות ישראל

א׳

¶ ולא אכחד מכם אחי אשר אבותינו היו כלם תחת הענן וכלם עברו בתוך הים׃

ב׳

וכלם נטבלו למשה בענן ובים׃

ג׳

וכלם אכלם מאכל אחד רוחני׃

ד׳

וכלם שתו משקה אחד רוחני כי שתו מן הצור הרוחני ההלך עמהם והצור ההוא היה המשיח׃

ה׳

אבל ברבם לא רצה האלהים ופגריהם נפלו במדבר׃

ו׳

וכל זאת היתה לנו למופת לבלתי התאות לרעה כאשר התאוו גם המה׃

ז׳

ולא תהיו עבדי אלילים כאשר היו מקצתם כמו שכתוב וישב העם לאכל ושתו ויקמו לצחק׃

ח׳

ולא נהיה זנים כאשר זנו מקצתם ויפלו ביום אחד שלשה ועשרים אלף איש׃

ט׳

ולא ננסה את המשיח כאשר נסוהו מקצתם ויאבדום הנחשים׃

י׳

גם לא תלינו כאשר הלינו מקצתם וימותו ביד המשחית׃

י״א

כל זאת מצאתם להיות למופת ותכתב למוסר לנו אשר הגיעו אלינו קצי העולמים׃

י״ב

לכן החשב שהוא נצב ירא פן יפול׃

י״ג

עדין לא בא עליכם נסיון אחר בלתי אם נסיון בני אדם כי נאמן הוא האלהים אשר לא יניח לנסות אתכם למעלה מיכלתכם כי אם יתן עם הנסיון גם תוצאתיו כדי שתוכלו שאת׃

Reading Style

Typeface

Font Size 19px

Options