דָּוִד מְצַוֶּה לִפְקֹד אֶת הָעָם

1 דִּבְרֵי הַיָּמִים כ״א:א׳-ו׳

א׳

¶ ויעמד שטן על ישראל ויסת את דויד למנות את ישראל׃

ב׳

ויאמר דויד אל יואב ואל שרי העם לכו ספרו את ישראל מבאר שבע ועד דן והביאו אלי ואדעה את מספרם׃

ג׳

ויאמר יואב יוסף יהוה על עמו כהם מאה פעמים הלא אדני המלך כלם לאדני לעבדים למה יבקש זאת אדני למה יהיה לאשמה לישראל׃

ד׳

ודבר המלך חזק על יואב ויצא יואב ויתהלך בכל ישראל ויבא ירושלם׃

ה׳

ויתן יואב את מספר מפקד העם אל דויד ויהי כל ישראל אלף אלפים ומאה אלף איש שלף חרב ויהודה ארבע מאות ושבעים אלף איש שלף חרב׃

ו׳

ולוי ובנימן לא פקד בתוכם כי נתעב דבר המלך את יואב׃