RESH: Ka Kāre Ni ka Ba Ni Rai

Zabura 119:153-160

153

Ka dubi wahalata ka cece ni, gama ban manta da dokarka ba.

154

Ka kāre manufata ka kuma fanshe ni, ka cece rai na kamar yadda ka alkawarta!

155

Ceto yana nesa da mugaye, gama ba sa neman ƙa’idodinka.

156

Tausayinka da girma yake, ya Ubangiji; ka kiyaye raina bisa ga dokokinka.

157

Maƙiya masu yawa ne suke tsananta mini, amma ban rabu da farillanka ba.

158

Na dubi marasa aminci da ƙyama, gama ba sa yin biyayya da maganarka.

159

Dubi yadda nake ƙaunar farillanka; ka kiyaye raina, ya Ubangiji, bisa ga ƙaunarka.

160

Dukan maganganunka gaskiya ne; dukan dokokinka masu adalci madawwami ne.