Masu azabtar da Ayuba abin raini
1
“Amma yanzu suna yi mini ba’a waɗanda na girme su, waɗanda iyayensu maza ba su isa su zama karnukan kiwon garken tumakina ba.
2
Ina amfani ƙarfin hannuwansu gare ni, tun da ba su da sauran kuzari?
3
Duk sun rame don rashi da yunwa, suna yawo a gaigayar ƙasa a kufai da dare.
4
A cikin jeji suna tsinkar ganyaye marasa daɗi, jijiyoyin itacen kwakwa ne abincinsu.
5
An kore su daga cikin mutanensu, aka yi musu ihu kamar ɓarayi.
6
An sa dole su zauna a kwazazzabai da kuma cikin kogunan duwatsu da kuma cikin ramummuka cikin ƙasa.
7
Suka yi ta kuka kamar dabbobi a jeji, suka taru a ƙarƙashin sarƙaƙƙiya.
8
Mutane marasa hankali marasa suna, an kore su daga ƙasar.
Rubutun Littafi Mai Tsarki: Biblica® Open Hausa Contemporary Bible™, © 2009, 2020 Biblica, Inc. · CC BY-SA 4.0“Biblica” is a trademark registered in the United States Patent and Trademark Office by Biblica, Inc., used with permission.