Nasarar mugaye gajera ce

Ayuba 20:4-11

“Ba shakka ka san yadda abin yake tuntuni, tun da aka sa mutum cikin duniya,

mugun mutum bai taɓa daɗewa ba, farin cikin mutum na ɗan gajeren lokaci ne.

Ko da ya ƙasaita ya kai sararin sama, kansa kuma yana taɓa gizagizai.

Zai hallaka har abada, kamar bayan gidansa; waɗanda suka gan shi za su ce, ‘Ina yake?’

Kamar mafarki haka zai ɓace, ba za a ƙara ganinsa ba zai ɓace kamar wahayi da dare.

Idon da ya gan shi ba zai ƙara ganinsa ba; wurin zamansa ba zai sāke ganinsa ba.

Dole ’ya’yansa su mayar wa matalauta abin da ya kamata; dole hannuwansa su mayar da dukiyarsa.

Jin ƙarfi da ya cika ƙasusuwansa zai kwantar da shi a cikin ƙura.