פסוקים על Thirst

16 פסוקים · 1 היבט

פסוקי מפתח

תְהִלִּים מ״ב:א׳
¶ למנצח משכיל לבני קרח כאיל תערג על אפיקי מים כן נפשי תערג אליך אלהים׃
תְהִלִּים מ״ב:ב׳
צמאה נפשי לאלהים לאל חי מתי אבוא ואראה פני אלהים׃
תְהִלִּים מ״ב:ג׳
היתה לי דמעתי לחם יומם ולילה באמר אלי כל היום איה אלהיך׃
תְהִלִּים מ״ב:ד׳
אלה אזכרה ואשפכה עלי נפשי כי אעבר בסך אדדם עד בית אלהים בקול רנה ותודה המון חוגג׃
תְהִלִּים ס״ג:א׳
¶ מזמור לדוד בהיותו במדבר יהודה אלהים אלי אתה אשחרך צמאה לך נפשי כמה לך בשרי בארץ ציה ועיף בלי מים׃
תְהִלִּים קמ״ג:ו׳
פרשתי ידי אליך נפשי כארץ עיפה לך סלה׃
יְשַׁעְיָהוּ נ״ה:א׳
¶ הוי כל צמא לכו למים ואשר אין לו כסף לכו שברו ואכלו ולכו שברו בלוא כסף ובלוא מחיר יין וחלב׃
עָמוֹס ח׳:י״א
הנה ימים באים נאם אדני יהוה והשלחתי רעב בארץ לא רעב ללחם ולא צמא למים כי אם לשמע את דברי יהוה׃
עָמוֹס ח׳:י״ב
ונעו מים עד ים ומצפון ועד מזרח ישוטטו לבקש את דבר יהוה ולא ימצאו׃
עָמוֹס ח׳:י״ג
ביום ההוא תתעלפנה הבתולת היפות והבחורים בצמא׃
מתיו ה׳:ו׳
אשרי הרעבים והצמאים לצדקה כי הם ישבעו׃
ג'ון ד׳:י״ד
ואשר ישתה מן המים אשר אנכי נתן לו לא יצמא לעולם כי המים אשר אתן לו יהיו בקרבו למקור מים נבעים לחיי העולמים׃
ג'ון ד׳:ט״ו
ותאמר אליו האשה אדני תנה לי המים ההם למען לא אצמא עוד ולא אוסיף לבוא הנה לשאב׃
ג'ון ז׳:ל״ז
ויהי ביום החג האחרון הגדול עמד ישוע ויקרא לאמר איש כי יצמא יבא נא אלי וישתה׃
חזוֹן יוֹחָנָן כ״א:ו׳
ויאמר אלי היה נהיתה אני האלף והתו הראש והסוף אני אתן לצמא ממעין מים חיים חנם׃
חזוֹן יוֹחָנָן כ״ב:י״ז
והרוח והכלה אמרים בא והשמע יאמר בא והצמא יבוא והחפץ יקח מים חיים חנם׃