פסוקים על Tax

51 פסוקים · 10 היבטים

פסוקי מפתח

סינון לפי ספר
  1. בְּרֵאשִׁית מ״א:ל״ד

    יעשה פרעה ויפקד פקדים על הארץ וחמש את ארץ מצרים בשבע שני השבע׃

  2. בְּרֵאשִׁית מ״א:מ״ח

    ויקבץ את כל אכל שבע שנים אשר היו בארץ מצרים ויתן אכל בערים אכל שדה העיר אשר סביבתיה נתן בתוכה׃

  3. בְּרֵאשִׁית מ״ז:כ״ו

    וישם אתה יוסף לחק עד היום הזה על אדמת מצרים לפרעה לחמש רק אדמת הכהנים לבדם לא היתה לפרעה׃

  4. שְׁמֹות ל׳:י״א

    וידבר יהוה אל משה לאמר׃

  5. שְׁמֹות ל׳:י״ב

    כי תשא את ראש בני ישראל לפקדיהם ונתנו איש כפר נפשו ליהוה בפקד אתם ולא יהיה בהם נגף בפקד אתם׃

  6. שְׁמֹות ל׳:י״ג

    זה יתנו כל העבר על הפקדים מחצית השקל בשקל הקדש עשרים גרה השקל מחצית השקל תרומה ליהוה׃

  7. שְׁמֹות ל׳:י״ד

    כל העבר על הפקדים מבן עשרים שנה ומעלה יתן תרומת יהוה׃

  8. שְׁמֹות ל׳:ט״ו

    העשיר לא ירבה והדל לא ימעיט ממחצית השקל לתת את תרומת יהוה לכפר על נפשתיכם׃

  9. שְׁמֹות ל׳:ט״ז

    ולקחת את כסף הכפרים מאת בני ישראל ונתת אתו על עבדת אהל מועד והיה לבני ישראל לזכרון לפני יהוה לכפר על נפשתיכם׃

  10. שְׁמֹות ל״ח:כ״ו

    בקע לגלגלת מחצית השקל בשקל הקדש לכל העבר על הפקדים מבן עשרים שנה ומעלה לשש מאות אלף ושלשת אלפים וחמש מאות וחמשים׃

  11. 1 מְלָכִים ד׳:ז׳

    ולשלמה שנים עשר נצבים על כל ישראל וכלכלו את המלך ואת ביתו חדש בשנה יהיה על אחד לכלכל׃

  12. 1 מְלָכִים ד׳:ח׳

    ואלה שמותם בן חור בהר אפרים׃

  13. 1 מְלָכִים ד׳:ט׳

    בן דקר במקץ ובשעלבים ובית שמש ואילון בית חנן׃

  14. 1 מְלָכִים ד׳:י׳

    בן חסד בארבות לו שכה וכל ארץ חפר׃

  15. 1 מְלָכִים ד׳:י״א

    בן אבינדב כל נפת דאר טפת בת שלמה היתה לו לאשה׃

  16. 1 מְלָכִים ד׳:י״ב

    בענא בן אחילוד תענך ומגדו וכל בית שאן אשר אצל צרתנה מתחת ליזרעאל מבית שאן עד אבל מחולה עד מעבר ליקמעם׃

  17. 1 מְלָכִים ד׳:י״ג

    בן גבר ברמת גלעד לו חות יאיר בן מנשה אשר בגלעד לו חבל ארגב אשר בבשן ששים ערים גדלות חומה ובריח נחשת׃

  18. 1 מְלָכִים ד׳:י״ד

    אחינדב בן עדא מחנימה׃

  19. 1 מְלָכִים ד׳:ט״ו

    אחימעץ בנפתלי גם הוא לקח את בשמת בת שלמה לאשה׃

  20. 1 מְלָכִים ד׳:ט״ז

    בענא בן חושי באשר ובעלות׃

  21. 1 מְלָכִים ד׳:י״ז

    יהושפט בן פרוח ביששכר׃

  22. 1 מְלָכִים ד׳:י״ח

    שמעי בן אלא בבנימן׃

  23. 1 מְלָכִים ד׳:י״ט

    גבר בן ארי בארץ גלעד ארץ סיחון מלך האמרי ועג מלך הבשן ונציב אחד אשר בארץ׃

  24. 1 מְלָכִים ד׳:כ׳

    יהודה וישראל רבים כחול אשר על הים לרב אכלים ושתים ושמחים׃

  25. 1 מְלָכִים ד׳:כ״א

    ושלמה היה מושל בכל הממלכות מן הנהר ארץ פלשתים ועד גבול מצרים מגשים מנחה ועבדים את שלמה כל ימי חייו׃