פסוקים על Slothfulness

38 פסוקים · 1 היבט

פסוקי מפתח

סינון לפי ספר
  1. מִשְׁלֵי ו׳:ו׳

    לך אל נמלה עצל ראה דרכיה וחכם׃

  2. מִשְׁלֵי ו׳:ז׳

    אשר אין לה קצין שטר ומשל׃

  3. מִשְׁלֵי ו׳:ח׳

    תכין בקיץ לחמה אגרה בקציר מאכלה׃

  4. מִשְׁלֵי ו׳:ט׳

    עד מתי עצל תשכב מתי תקום משנתך׃

  5. מִשְׁלֵי ו׳:י׳

    מעט שנות מעט תנומות מעט חבק ידים לשכב׃

  6. מִשְׁלֵי ו׳:י״א

    ובא כמהלך ראשך ומחסרך כאיש מגן׃

  7. מִשְׁלֵי י׳:ד׳

    ראש עשה כף רמיה ויד חרוצים תעשיר׃

  8. מִשְׁלֵי י׳:ה׳

    אגר בקיץ בן משכיל נרדם בקציר בן מביש׃

  9. מִשְׁלֵי י׳:כ״ו

    כחמץ לשנים וכעשן לעינים כן העצל לשלחיו׃

  10. מִשְׁלֵי י״ב:כ״ד

    יד חרוצים תמשול ורמיה תהיה למס׃

  11. מִשְׁלֵי י״ב:כ״ז

    לא יחרך רמיה צידו והון אדם יקר חרוץ׃

  12. מִשְׁלֵי י״ג:ד׳

    מתאוה ואין נפשו עצל ונפש חרצים תדשן׃

  13. מִשְׁלֵי ט״ו:י״ט

    דרך עצל כמשכת חדק וארח ישרים סללה׃

  14. מִשְׁלֵי י״ח:ט׳

    גם מתרפה במלאכתו אח הוא לבעל משחית׃

  15. מִשְׁלֵי י״ט:ט״ו

    עצלה תפיל תרדמה ונפש רמיה תרעב׃

  16. מִשְׁלֵי י״ט:כ״ד

    טמן עצל ידו בצלחת גם אל פיהו לא ישיבנה׃

  17. מִשְׁלֵי כ׳:ד׳

    מחרף עצל לא יחרש ישאל בקציר ואין׃

  18. מִשְׁלֵי כ״א:כ״ה

    תאות עצל תמיתנו כי מאנו ידיו לעשות׃

  19. מִשְׁלֵי כ״ב:י״ג

    אמר עצל ארי בחוץ בתוך רחבות ארצח׃

  20. מִשְׁלֵי כ״ג:כ״א

    כי סבא וזולל יורש וקרעים תלביש נומה׃

  21. מִשְׁלֵי כ״ד:ל׳

    על שדה איש עצל עברתי ועל כרם אדם חסר לב׃

  22. מִשְׁלֵי כ״ד:ל״א

    והנה עלה כלו קמשנים כסו פניו חרלים וגדר אבניו נהרסה׃

  23. מִשְׁלֵי כ״ד:ל״ב

    ואחזה אנכי אשית לבי ראיתי לקחתי מוסר׃

  24. מִשְׁלֵי כ״ד:ל״ג

    מעט שנות מעט תנומות מעט חבק ידים לשכב׃

  25. מִשְׁלֵי כ״ד:ל״ד

    ובא מתהלך רישך ומחסריך כאיש מגן׃