פסוקים על Slander

¶ וישמע את דברי בני לבן לאמר לקח יעקב את כל אשר לאבינו ומאשר לאבינו עשה את כל הכבד הזה׃

לא תענה ברעך עד שקר׃

¶ לא תשא שמע שוא אל תשת ידך עם רשע להית עד חמס׃

לא תלך רכיל בעמיך לא תעמד על דם רעך אני יהוה׃

ולא תענה ברעך עד שוא׃

כי יקום עד חמס באיש לענות בו סרה׃

ועמדו שני האנשים אשר להם הריב לפני יהוה לפני הכהנים והשפטים אשר יהיו בימים ההם׃

ודרשו השפטים היטב והנה עד שקר העד שקר ענה באחיו׃

ועשיתם לו כאשר זמם לעשות לאחיו ובערת הרע מקרבך׃

והנשארים ישמעו ויראו ולא יספו לעשות עוד כדבר הרע הזה בקרבך׃

ולא תחוס עינך נפש בנפש עין בעין שן בשן יד ביד רגל ברגל׃

כי יקח איש אשה ובא אליה ושנאה׃

ושם לה עלילת דברים והוציא עליה שם רע ואמר את האשה הזאת לקחתי ואקרב אליה ולא מצאתי לה בתולים׃

ולקח אבי הנער ואמה והוציאו את בתולי הנער אל זקני העיר השערה׃

ואמר אבי הנער אל הזקנים את בתי נתתי לאיש הזה לאשה וישנאה׃

והנה הוא שם עלילת דברים לאמר לא מצאתי לבתך בתולים ואלה בתולי בתי ופרשו השמלה לפני זקני העיר׃

ולקחו זקני העיר ההוא את האיש ויסרו אתו׃

וענשו אתו מאה כסף ונתנו לאבי הנערה כי הוציא שם רע על בתולת ישראל ולו תהיה לאשה לא יוכל לשלחה כל ימיו׃

ויען דאג האדמי והוא נצב על עבדי שאול ויאמר ראיתי את בן ישי בא נבה אל אחימלך בן אחטוב׃

וישאל לו ביהוה וצידה נתן לו ואת חרב גלית הפלשתי נתן לו׃

וישלח המלך לקרא את אחימלך בן אחיטוב הכהן ואת כל בית אביו הכהנים אשר בנב ויבאו כלם אל המלך׃

ויאמר דוד לשאול למה תשמע את דברי אדם לאמר הנה דוד מבקש רעתך׃

ויאמרו שרי בני עמון אל חנון אדניהם המכבד דוד את אביך בעיניך כי שלח לך מנחמים הלוא בעבור חקור את העיר ולרגלה ולהפכה שלח דוד את עבדיו אליך׃

ויאמר המלך ואיה בן אדניך ויאמר ציבא אל המלך הנה יושב בירושלם כי אמר היום ישיבו לי בית ישראל את ממלכות אבי׃

ויבאו שני האנשים בני בליעל וישבו נגדו ויעדהו אנשי הבליעל את נבות נגד העם לאמר ברך נבות אלהים ומלך ויצאהו מחוץ לעיר ויסקלהו באבנים וימת׃