פסוקים על Sin Offering

61 פסוקים · 25 היבטים

פסוקי מפתח

סינון לפי ספר
  1. וַיִּקְרָא ד׳:כ״ה

    ולקח הכהן מדם החטאת באצבעו ונתן על קרנת מזבח העלה ואת דמו ישפך אל יסוד מזבח העלה׃

  2. וַיִּקְרָא ד׳:כ״ו

    ואת כל חלבו יקטיר המזבחה כחלב זבח השלמים וכפר עליו הכהן מחטאתו ונסלח לו׃

  3. וַיִּקְרָא ד׳:כ״ז

    ואם נפש אחת תחטא בשגגה מעם הארץ בעשתה אחת ממצות יהוה אשר לא תעשינה ואשם׃

  4. וַיִּקְרָא ד׳:כ״ח

    או הודע אליו חטאתו אשר חטא והביא קרבנו שעירת עזים תמימה נקבה על חטאתו אשר חטא׃

  5. וַיִּקְרָא ד׳:כ״ט

    וסמך את ידו על ראש החטאת ושחט את החטאת במקום העלה׃

  6. וַיִּקְרָא ד׳:ל׳

    ולקח הכהן מדמה באצבעו ונתן על קרנת מזבח העלה ואת כל דמה ישפך אל יסוד המזבח׃

  7. וַיִּקְרָא ד׳:ל״א

    ואת כל חלבה יסיר כאשר הוסר חלב מעל זבח השלמים והקטיר הכהן המזבחה לריח ניחח ליהוה וכפר עליו הכהן ונסלח לו׃

  8. וַיִּקְרָא ד׳:ל״ב

    ואם כבש יביא קרבנו לחטאת נקבה תמימה יביאנה׃

  9. וַיִּקְרָא ו׳:כ״ה

    דבר אל אהרן ואל בניו לאמר זאת תורת החטאת במקום אשר תשחט העלה תשחט החטאת לפני יהוה קדש קדשים הוא׃

  10. וַיִּקְרָא ו׳:כ״ו

    הכהן המחטא אתה יאכלנה במקום קדש תאכל בחצר אהל מועד׃

  11. וַיִּקְרָא ו׳:כ״ז

    כל אשר יגע בבשרה יקדש ואשר יזה מדמה על הבגד אשר יזה עליה תכבס במקום קדש׃

  12. וַיִּקְרָא ו׳:כ״ח

    וכלי חרש אשר תבשל בו ישבר ואם בכלי נחשת בשלה ומרק ושטף במים׃

  13. וַיִּקְרָא ו׳:כ״ט

    כל זכר בכהנים יאכל אתה קדש קדשים הוא׃

  14. וַיִּקְרָא ו׳:ל׳

    וכל חטאת אשר יובא מדמה אל אהל מועד לכפר בקדש לא תאכל באש תשרף׃

  15. וַיִּקְרָא ח׳:י״ד

    ויגש את פר החטאת ויסמך אהרן ובניו את ידיהם על ראש פר החטאת׃

  16. וַיִּקְרָא ט׳:ב׳

    ויאמר אל אהרן קח לך עגל בן בקר לחטאת ואיל לעלה תמימם והקרב לפני יהוה׃

  17. וַיִּקְרָא ט׳:ח׳

    ויקרב אהרן אל המזבח וישחט את עגל החטאת אשר לו׃

  18. וַיִּקְרָא ט׳:ט׳

    ויקרבו בני אהרן את הדם אליו ויטבל אצבעו בדם ויתן על קרנות המזבח ואת הדם יצק אל יסוד המזבח׃

  19. וַיִּקְרָא ט׳:י׳

    ואת החלב ואת הכלית ואת היתרת מן הכבד מן החטאת הקטיר המזבחה כאשר צוה יהוה את משה׃

  20. וַיִּקְרָא ט׳:י״א

    ואת הבשר ואת העור שרף באש מחוץ למחנה׃

  21. וַיִּקְרָא ט׳:ט״ו

    ויקרב את קרבן העם ויקח את שעיר החטאת אשר לעם וישחטהו ויחטאהו כראשון׃

  22. וַיִּקְרָא י׳:ט״ז

    ואת שעיר החטאת דרש דרש משה והנה שרף ויקצף על אלעזר ועל איתמר בני אהרן הנותרם לאמר׃

  23. וַיִּקְרָא י׳:י״ז

    מדוע לא אכלתם את החטאת במקום הקדש כי קדש קדשים הוא ואתה נתן לכם לשאת את עון העדה לכפר עליהם לפני יהוה׃

  24. וַיִּקְרָא י׳:י״ח

    הן לא הובא את דמה אל הקדש פנימה אכול תאכלו אתה בקדש כאשר צויתי׃

  25. וַיִּקְרָא ט״ז:ג׳

    בזאת יבא אהרן אל הקדש בפר בן בקר לחטאת ואיל לעלה׃