פסוקים על Shishak

11 פסוקים · 2 היבטים

פסוקי מפתח

  1. 1 מְלָכִים י״א:מ׳

    ויבקש שלמה להמית את ירבעם ויקם ירבעם ויברח מצרים אל שישק מלך מצרים ויהי במצרים עד מות שלמה׃

  2. 1 מְלָכִים י״ד:כ״ה

    ויהי בשנה החמישית למלך רחבעם עלה שושק מלך מצרים על ירושלם׃

  3. 1 מְלָכִים י״ד:כ״ו

    ויקח את אצרות בית יהוה ואת אוצרות בית המלך ואת הכל לקח ויקח את כל מגני הזהב אשר עשה שלמה׃

  4. 2 דִּבְרֵי הַיָּמִים י״ב:ב׳

    ויהי בשנה החמישית למלך רחבעם עלה שישק מלך מצרים על ירושלם כי מעלו ביהוה׃

  5. 2 דִּבְרֵי הַיָּמִים י״ב:ג׳

    באלף ומאתים רכב ובששים אלף פרשים ואין מספר לעם אשר באו עמו ממצרים לובים סכיים וכושים׃

  6. 2 דִּבְרֵי הַיָּמִים י״ב:ד׳

    וילכד את ערי המצרות אשר ליהודה ויבא עד ירושלם׃

  7. 2 דִּבְרֵי הַיָּמִים י״ב:ה׳

    ושמעיה הנביא בא אל רחבעם ושרי יהודה אשר נאספו אל ירושלם מפני שישק ויאמר להם כה אמר יהוה אתם עזבתם אתי ואף אני עזבתי אתכם ביד שישק׃

  8. 2 דִּבְרֵי הַיָּמִים י״ב:ו׳

    ויכנעו שרי ישראל והמלך ויאמרו צדיק יהוה׃

  9. 2 דִּבְרֵי הַיָּמִים י״ב:ז׳

    ובראות יהוה כי נכנעו היה דבר יהוה אל שמעיה לאמר נכנעו לא אשחיתם ונתתי להם כמעט לפליטה ולא תתך חמתי בירושלם ביד שישק׃

  10. 2 דִּבְרֵי הַיָּמִים י״ב:ח׳

    כי יהיו לו לעבדים וידעו עבודתי ועבודת ממלכות הארצות׃

  11. 2 דִּבְרֵי הַיָּמִים י״ב:ט׳

    ויעל שישק מלך מצרים על ירושלם ויקח את אצרות בית יהוה ואת אצרות בית המלך את הכל לקח ויקח את מגני הזהב אשר עשה שלמה׃