פסוקים על Shepherds: (Ignorant and foolish,) of bad ministers

9 פסוקים · 24 היבטים

פסוקים על (Ignorant and foolish,) of bad ministers

יְשַׁעְיָהוּ נ״ו:י״א
והכלבים עזי נפש לא ידעו שבעה והמה רעים לא ידעו הבין כלם לדרכם פנו איש לבצעו מקצהו׃
יִרְמְיָהוּ נ׳:ו׳
צאן אבדות היה עמי רעיהם התעום הרים שובבים מהר אל גבעה הלכו שכחו רבצם׃
יְחֶזְקֵאל ל״ד:ב׳
בן אדם הנבא על רועי ישראל הנבא ואמרת אליהם לרעים כה אמר אדני יהוה הוי רעי ישראל אשר היו רעים אותם הלוא הצאן ירעו הרעים׃
יְחֶזְקֵאל ל״ד:י׳
כה אמר אדני יהוה הנני אל הרעים ודרשתי את צאני מידם והשבתים מרעות צאן ולא ירעו עוד הרעים אותם והצלתי צאני מפיהם ולא תהיין להם לאכלה׃
זְכַרְיָה י״א:ז׳
וארעה את צאן ההרגה לכן עניי הצאן ואקח לי שני מקלות לאחד קראתי נעם ולאחד קראתי חבלים וארעה את הצאן׃
זְכַרְיָה י״א:ח׳
ואכחד את שלשת הרעים בירח אחד ותקצר נפשי בהם וגם נפשם בחלה בי׃
זְכַרְיָה י״א:ט״ו
ויאמר יהוה אלי עוד קח לך כלי רעה אולי׃
זְכַרְיָה י״א:ט״ז
כי הנה אנכי מקים רעה בארץ הנכחדות לא יפקד הנער לא יבקש והנשברת לא ירפא הנצבה לא יכלכל ובשר הבריאה יאכל ופרסיהן יפרק׃
זְכַרְיָה י״א:י״ז
הוי רעי האליל עזבי הצאן חרב על זרועו ועל עין ימינו זרעו יבוש תיבש ועין ימינו כהה תכהה׃