פסוקים על Self-Denial: Daniel

9 פסוקים · 41 היבטים

פסוקים על Daniel

דָּנִיֵּאל א׳:ח׳
וישם דניאל על לבו אשר לא יתגאל בפתבג המלך וביין משתיו ויבקש משר הסריסים אשר לא יתגאל׃
דָּנִיֵּאל א׳:ט׳
ויתן האלהים את דניאל לחסד ולרחמים לפני שר הסריסים׃
דָּנִיֵּאל א׳:י׳
ויאמר שר הסריסים לדניאל ירא אני את אדני המלך אשר מנה את מאכלכם ואת משתיכם אשר למה יראה את פניכם זעפים מן הילדים אשר כגילכם וחיבתם את ראשי למלך׃
דָּנִיֵּאל א׳:י״א
ויאמר דניאל אל המלצר אשר מנה שר הסריסים על דניאל חנניה מישאל ועזריה׃
דָּנִיֵּאל א׳:י״ב
נס נא את עבדיך ימים עשרה ויתנו לנו מן הזרעים ונאכלה ומים ונשתה׃
דָּנִיֵּאל א׳:י״ג
ויראו לפניך מראינו ומראה הילדים האכלים את פתבג המלך וכאשר תראה עשה עם עבדיך׃
דָּנִיֵּאל א׳:י״ד
וישמע להם לדבר הזה וינסם ימים עשרה׃
דָּנִיֵּאל א׳:ט״ו
ומקצת ימים עשרה נראה מראיהם טוב ובריאי בשר מן כל הילדים האכלים את פתבג המלך׃
דָּנִיֵּאל א׳:ט״ז
ויהי המלצר נשא את פתבגם ויין משתיהם ונתן להם זרענים׃