פסוקים על Resurrection

194 פסוקים · 3 היבטים

פסוקי מפתח

סינון לפי ספר
  1. אִיּוֹב י״ד:י״ב

    ואיש שכב ולא יקום עד בלתי שמים לא יקיצו ולא יערו משנתם׃

  2. אִיּוֹב י״ד:י״ג

    מי יתן בשאול תצפנני תסתירני עד שוב אפך תשית לי חק ותזכרני׃

  3. אִיּוֹב י״ד:י״ד

    אם ימות גבר היחיה כל ימי צבאי איחל עד בוא חליפתי׃

  4. אִיּוֹב י״ד:ט״ו

    תקרא ואנכי אענך למעשה ידיך תכסף׃

  5. אִיּוֹב י״ט:כ״ה

    ואני ידעתי גאלי חי ואחרון על עפר יקום׃

  6. אִיּוֹב י״ט:כ״ו

    ואחר עורי נקפו זאת ומבשרי אחזה אלוה׃

  7. אִיּוֹב י״ט:כ״ז

    אשר אני אחזה לי ועיני ראו ולא זר כלו כליתי בחקי׃

  8. תְהִלִּים ט״ז:ט׳

    לכן שמח לבי ויגל כבודי אף בשרי ישכן לבטח׃

  9. תְהִלִּים ט״ז:י׳

    כי לא תעזב נפשי לשאול לא תתן חסידך לראות שחת׃

  10. תְהִלִּים י״ז:ט״ו

    אני בצדק אחזה פניך אשבעה בהקיץ תמונתך׃

  11. תְהִלִּים מ״ט:ט״ו

    אך אלהים יפדה נפשי מיד שאול כי יקחני סלה׃

  12. יְשַׁעְיָהוּ כ״ה:ח׳

    בלע המות לנצח ומחה אדני יהוה דמעה מעל כל פנים וחרפת עמו יסיר מעל כל הארץ כי יהוה דבר׃

  13. יְשַׁעְיָהוּ כ״ו:י״ט

    יחיו מתיך נבלתי יקומון הקיצו ורננו שכני עפר כי טל אורת טלך וארץ רפאים תפיל׃

  14. יְחֶזְקֵאל ל״ז:א׳

    ¶ היתה עלי יד יהוה ויוצאני ברוח יהוה ויניחני בתוך הבקעה והיא מלאה עצמות׃

  15. יְחֶזְקֵאל ל״ז:ב׳

    והעבירני עליהם סביב סביב והנה רבות מאד על פני הבקעה והנה יבשות מאד׃

  16. יְחֶזְקֵאל ל״ז:ג׳

    ויאמר אלי בן אדם התחיינה העצמות האלה ואמר אדני יהוה אתה ידעת׃

  17. יְחֶזְקֵאל ל״ז:ד׳

    ויאמר אלי הנבא על העצמות האלה ואמרת אליהם העצמות היבשות שמעו דבר יהוה׃

  18. יְחֶזְקֵאל ל״ז:ה׳

    כה אמר אדני יהוה לעצמות האלה הנה אני מביא בכם רוח וחייתם׃

  19. יְחֶזְקֵאל ל״ז:ו׳

    ונתתי עליכם גדים והעלתי עליכם בשר וקרמתי עליכם עור ונתתי בכם רוח וחייתם וידעתם כי אני יהוה׃

  20. יְחֶזְקֵאל ל״ז:ז׳

    ונבאתי כאשר צויתי ויהי קול כהנבאי והנה רעש ותקרבו עצמות עצם אל עצמו׃

  21. יְחֶזְקֵאל ל״ז:ח׳

    וראיתי והנה עליהם גדים ובשר עלה ויקרם עליהם עור מלמעלה ורוח אין בהם׃

  22. יְחֶזְקֵאל ל״ז:ט׳

    ויאמר אלי הנבא אל הרוח הנבא בן אדם ואמרת אל הרוח כה אמר אדני יהוה מארבע רוחות באי הרוח ופחי בהרוגים האלה ויחיו׃

  23. יְחֶזְקֵאל ל״ז:י׳

    והנבאתי כאשר צוני ותבוא בהם הרוח ויחיו ויעמדו על רגליהם חיל גדול מאד מאד׃

  24. יְחֶזְקֵאל ל״ז:י״א

    ויאמר אלי בן אדם העצמות האלה כל בית ישראל המה הנה אמרים יבשו עצמותינו ואבדה תקותנו נגזרנו לנו׃

  25. יְחֶזְקֵאל ל״ז:י״ב

    לכן הנבא ואמרת אליהם כה אמר אדני יהוה הנה אני פתח את קברותיכם והעליתי אתכם מקברותיכם עמי והבאתי אתכם אל אדמת ישראל׃