פסוקים על Opportunity

118 פסוקים · 1 היבט

פסוקי מפתח

סינון לפי ספר
  1. מִשְׁלֵי א׳:כ״ד

    יען קראתי ותמאנו נטיתי ידי ואין מקשיב׃

  2. מִשְׁלֵי א׳:כ״ה

    ותפרעו כל עצתי ותוכחתי לא אביתם׃

  3. מִשְׁלֵי א׳:כ״ו

    גם אני באידכם אשחק אלעג בבא פחדכם׃

  4. מִשְׁלֵי א׳:כ״ז

    בבא כשאוה פחדכם ואידכם כסופה יאתה בבא עליכם צרה וצוקה׃

  5. מִשְׁלֵי א׳:כ״ח

    אז יקראנני ולא אענה ישחרנני ולא ימצאנני׃

  6. מִשְׁלֵי א׳:כ״ט

    תחת כי שנאו דעת ויראת יהוה לא בחרו׃

  7. מִשְׁלֵי א׳:ל׳

    לא אבו לעצתי נאצו כל תוכחתי׃

  8. מִשְׁלֵי א׳:ל״א

    ויאכלו מפרי דרכם וממעצתיהם ישבעו׃

  9. מִשְׁלֵי א׳:ל״ב

    כי משובת פתים תהרגם ושלות כסילים תאבדם׃

  10. מִשְׁלֵי א׳:ל״ג

    ושמע לי ישכן בטח ושאנן מפחד רעה׃

  11. יִרְמְיָהוּ ח׳:כ׳

    עבר קציר כלה קיץ ואנחנו לוא נושענו׃

  12. יְחֶזְקֵאל ג׳:י״ט

    ואתה כי הזהרת רשע ולא שב מרשעו ומדרכו הרשעה הוא בעונו ימות ואתה את נפשך הצלת׃

  13. יְחֶזְקֵאל ל״ג:א׳

    ¶ ויהי דבר יהוה אלי לאמר׃

  14. יְחֶזְקֵאל ל״ג:ב׳

    בן אדם דבר אל בני עמך ואמרת אליהם ארץ כי אביא עליה חרב ולקחו עם הארץ איש אחד מקציהם ונתנו אתו להם לצפה׃

  15. יְחֶזְקֵאל ל״ג:ג׳

    וראה את החרב באה על הארץ ותקע בשופר והזהיר את העם׃

  16. יְחֶזְקֵאל ל״ג:ד׳

    ושמע השמע את קול השופר ולא נזהר ותבוא חרב ותקחהו דמו בראשו יהיה׃

  17. יְחֶזְקֵאל ל״ג:ה׳

    את קול השופר שמע ולא נזהר דמו בו יהיה והוא נזהר נפשו מלט׃

  18. יְחֶזְקֵאל ל״ג:ו׳

    והצפה כי יראה את החרב באה ולא תקע בשופר והעם לא נזהר ותבוא חרב ותקח מהם נפש הוא בעונו נלקח ודמו מיד הצפה אדרש׃

  19. יְחֶזְקֵאל ל״ג:ז׳

    ואתה בן אדם צפה נתתיך לבית ישראל ושמעת מפי דבר והזהרת אתם ממני׃

  20. יְחֶזְקֵאל ל״ג:ח׳

    באמרי לרשע רשע מות תמות ולא דברת להזהיר רשע מדרכו הוא רשע בעונו ימות ודמו מידך אבקש׃

  21. יְחֶזְקֵאל ל״ג:ט׳

    ואתה כי הזהרת רשע מדרכו לשוב ממנה ולא שב מדרכו הוא בעונו ימות ואתה נפשך הצלת׃

  22. יְחֶזְקֵאל ל״ג:י׳

    ואתה בן אדם אמר אל בית ישראל כן אמרתם לאמר כי פשעינו וחטאתינו עלינו ובם אנחנו נמקים ואיך נחיה׃

  23. יְחֶזְקֵאל ל״ג:י״א

    אמר אליהם חי אני נאם אדני יהוה אם אחפץ במות הרשע כי אם בשוב רשע מדרכו וחיה שובו שובו מדרכיכם הרעים ולמה תמותו בית ישראל׃

  24. יְחֶזְקֵאל ל״ג:י״ב

    ואתה בן אדם אמר אל בני עמך צדקת הצדיק לא תצילנו ביום פשעו ורשעת הרשע לא יכשל בה ביום שובו מרשעו וצדיק לא יוכל לחיות בה ביום חטאתו׃

  25. יְחֶזְקֵאל ל״ג:י״ג

    באמרי לצדיק חיה יחיה והוא בטה על צדקתו ועשה עול כל צדקתו לא תזכרנה ובעולו אשר עשה בו ימות׃