פסוקים על Neighbor

70 פסוקים · 1 היבט

פסוקי מפתח

סינון לפי ספר
  1. שְׁמֹות כ׳:ט״ז

    לא תענה ברעך עד שקר׃

  2. שְׁמֹות כ״ג:ד׳

    כי תפגע שור איבך או חמרו תעה השב תשיבנו לו׃

  3. שְׁמֹות כ״ג:ה׳

    כי תראה חמור שנאך רבץ תחת משאו וחדלת מעזב לו עזב תעזב עמו׃

  4. וַיִּקְרָא ו׳:ב׳

    נפש כי תחטא ומעלה מעל ביהוה וכחש בעמיתו בפקדון או בתשומת יד או בגזל או עשק את עמיתו׃

  5. וַיִּקְרָא ו׳:ג׳

    או מצא אבדה וכחש בה ונשבע על שקר על אחת מכל אשר יעשה האדם לחטא בהנה׃

  6. וַיִּקְרָא ו׳:ד׳

    והיה כי יחטא ואשם והשיב את הגזלה אשר גזל או את העשק אשר עשק או את הפקדון אשר הפקד אתו או את האבדה אשר מצא׃

  7. וַיִּקְרָא ו׳:ה׳

    או מכל אשר ישבע עליו לשקר ושלם אתו בראשו וחמשתיו יסף עליו לאשר הוא לו יתננו ביום אשמתו׃

  8. וַיִּקְרָא י״ט:י״ג

    לא תעשק את רעך ולא תגזל לא תלין פעלת שכיר אתך עד בקר׃

  9. וַיִּקְרָא י״ט:ט״ז

    לא תלך רכיל בעמיך לא תעמד על דם רעך אני יהוה׃

  10. וַיִּקְרָא י״ט:י״ז

    לא תשנא את אחיך בלבבך הוכח תוכיח את עמיתך ולא תשא עליו חטא׃

  11. וַיִּקְרָא י״ט:י״ח

    לא תקם ולא תטר את בני עמך ואהבת לרעך כמוך אני יהוה׃

  12. דְּבָרִים כ״ב:א׳

    ¶ לא תראה את שור אחיך או את שיו נדחים והתעלמת מהם השב תשיבם לאחיך׃

  13. דְּבָרִים כ״ב:ב׳

    ואם לא קרוב אחיך אליך ולא ידעתו ואספתו אל תוך ביתך והיה עמך עד דרש אחיך אתו והשבתו לו׃

  14. דְּבָרִים כ״ב:ג׳

    וכן תעשה לחמרו וכן תעשה לשמלתו וכן תעשה לכל אבדת אחיך אשר תאבד ממנו ומצאתה לא תוכל להתעלם׃

  15. דְּבָרִים כ״ב:ד׳

    לא תראה את חמור אחיך או שורו נפלים בדרך והתעלמת מהם הקם תקים עמו׃

  16. תְהִלִּים ט״ו:א׳

    ¶ מזמור לדוד יהוה מי יגור באהלך מי ישכן בהר קדשך׃

  17. תְהִלִּים ט״ו:ב׳

    הולך תמים ופעל צדק ודבר אמת בלבבו׃

  18. תְהִלִּים ט״ו:ג׳

    לא רגל על לשנו לא עשה לרעהו רעה וחרפה לא נשא על קרבו׃

  19. מִשְׁלֵי ג׳:כ״ח

    אל תאמר לרעיך לך ושוב ומחר אתן ויש אתך׃

  20. מִשְׁלֵי ג׳:כ״ט

    אל תחרש על רעך רעה והוא יושב לבטח אתך׃

  21. יְשַׁעְיָהוּ נ״ח:ו׳

    הלוא זה צום אבחרהו פתח חרצבות רשע התר אגדות מוטה ושלח רצוצים חפשים וכל מוטה תנתקו׃

  22. יְשַׁעְיָהוּ נ״ח:ז׳

    הלוא פרס לרעב לחמך ועניים מרודים תביא בית כי תראה ערם וכסיתו ומבשרך לא תתעלם׃

  23. יְשַׁעְיָהוּ נ״ח:ח׳

    אז יבקע כשחר אורך וארכתך מהרה תצמח והלך לפניך צדקך כבוד יהוה יאספך׃

  24. יְשַׁעְיָהוּ נ״ח:ט׳

    אז תקרא ויהוה יענה תשוע ויאמר הנני אם תסיר מתוכך מוטה שלח אצבע ודבר און׃

  25. יְשַׁעְיָהוּ נ״ח:י׳

    ותפק לרעב נפשך ונפש נענה תשביע וזרח בחשך אורך ואפלתך כצהרים׃