פסוקים על Magistrates

22 פסוקים · 33 היבטים

פסוקי מפתח

  1. 1 מְלָכִים ג׳:ט״ז

    אז תבאנה שתים נשים זנות אל המלך ותעמדנה לפניו׃

  2. 1 מְלָכִים ג׳:י״ז

    ותאמר האשה האחת בי אדני אני והאשה הזאת ישבת בבית אחד ואלד עמה בבית׃

  3. 1 מְלָכִים ג׳:י״ח

    ויהי ביום השלישי ללדתי ותלד גם האשה הזאת ואנחנו יחדו אין זר אתנו בבית זולתי שתים אנחנו בבית׃

  4. 1 מְלָכִים ג׳:י״ט

    וימת בן האשה הזאת לילה אשר שכבה עליו׃

  5. 1 מְלָכִים ג׳:כ׳

    ותקם בתוך הלילה ותקח את בני מאצלי ואמתך ישנה ותשכיבהו בחיקה ואת בנה המת השכיבה בחיקי׃

  6. 1 מְלָכִים ג׳:כ״א

    ואקם בבקר להיניק את בני והנה מת ואתבונן אליו בבקר והנה לא היה בני אשר ילדתי׃

  7. 1 מְלָכִים ג׳:כ״ב

    ותאמר האשה האחרת לא כי בני החי ובנך המת וזאת אמרת לא כי בנך המת ובני החי ותדברנה לפני המלך׃

  8. 1 מְלָכִים ג׳:כ״ג

    ויאמר המלך זאת אמרת זה בני החי ובנך המת וזאת אמרת לא כי בנך המת ובני החי׃

  9. 1 מְלָכִים ג׳:כ״ד

    ויאמר המלך קחו לי חרב ויבאו החרב לפני המלך׃

  10. 1 מְלָכִים ג׳:כ״ה

    ויאמר המלך גזרו את הילד החי לשנים ותנו את החצי לאחת ואת החצי לאחת׃

  11. 1 מְלָכִים ג׳:כ״ו

    ותאמר האשה אשר בנה החי אל המלך כי נכמרו רחמיה על בנה ותאמר בי אדני תנו לה את הילוד החי והמת אל תמיתהו וזאת אמרת גם לי גם לך לא יהיה גזרו׃

  12. 1 מְלָכִים ג׳:כ״ז

    ויען המלך ויאמר תנו לה את הילוד החי והמת לא תמיתהו היא אמו׃

  13. 1 מְלָכִים ג׳:כ״ח

    וישמעו כל ישראל את המשפט אשר שפט המלך ויראו מפני המלך כי ראו כי חכמת אלהים בקרבו לעשות משפט׃

  14. עֶזְרָא י׳:א׳

    ¶ וכהתפלל עזרא וכהתודתו בכה ומתנפל לפני בית האלהים נקבצו אליו מישראל קהל רב מאד אנשים ונשים וילדים כי בכו העם הרבה בכה׃

  15. עֶזְרָא י׳:ב׳

    ויען שכניה בן יחיאל מבני עולם ויאמר לעזרא אנחנו מעלנו באלהינו ונשב נשים נכריות מעמי הארץ ועתה יש מקוה לישראל על זאת׃

  16. עֶזְרָא י׳:ג׳

    ועתה נכרת ברית לאלהינו להוציא כל נשים והנולד מהם בעצת אדני והחרדים במצות אלהינו וכתורה יעשה׃

  17. עֶזְרָא י׳:ד׳

    קום כי עליך הדבר ואנחנו עמך חזק ועשה׃

  18. עֶזְרָא י׳:ה׳

    ויקם עזרא וישבע את שרי הכהנים הלוים וכל ישראל לעשות כדבר הזה וישבעו׃

  19. עֶזְרָא י׳:ו׳

    ויקם עזרא מלפני בית האלהים וילך אל לשכת יהוחנן בן אלישיב וילך שם לחם לא אכל ומים לא שתה כי מתאבל על מעל הגולה׃

  20. עֶזְרָא י׳:ז׳

    ויעבירו קול ביהודה וירושלם לכל בני הגולה להקבץ ירושלם׃

  21. עֶזְרָא י׳:ח׳

    וכל אשר לא יבוא לשלשת הימים כעצת השרים והזקנים יחרם כל רכושו והוא יבדל מקהל הגולה׃

  22. עֶזְרָא י׳:ט׳

    ויקבצו כל אנשי יהודה ובנימן ירושלם לשלשת הימים הוא חדש התשיעי בעשרים בחדש וישבו כל העם ברחוב בית האלהים מרעידים על הדבר ומהגשמים׃