פסוקים על Light

ויאמר אלהים יהי אור ויהי אור׃

וירא אלהים את האור כי טוב ויבדל אלהים בין האור ובין החשך׃

ויקרא אלהים לאור יום ולחשך קרא לילה ויהי ערב ויהי בקר יום אחד׃

ויאמר אלהים יהי מארת ברקיע השמים להבדיל בין היום ובין הלילה והיו לאתת ולמועדים ולימים ושנים׃

והיו למאורת ברקיע השמים להאיר על הארץ ויהי כן׃

ויעש אלהים את שני המארת הגדלים את המאור הגדל לממשלת היום ואת המאור הקטן לממשלת הלילה ואת הכוכבים׃

ויתן אתם אלהים ברקיע השמים להאיר על הארץ׃

¶ קומי אורי כי בא אורך וכבוד יהוה עליך זרח׃

כי הנה החשך יכסה ארץ וערפל לאמים ועליך יזרח יהוה וכבודו עליך יראה׃

והלכו גוים לאורך ומלכים לנגה זרחך׃

לא יהיה לך עוד השמש לאור יומם ולנגה הירח לא יאיר לך והיה לך יהוה לאור עולם ואלהיך לתפארתך׃

לא יבוא עוד שמשך וירחך לא יאסף כי יהוה יהיה לך לאור עולם ושלמו ימי אבלך׃

בו היו חיים והחיים היו אור בני האדם׃

והאור בחשך זרח והחשך לא השיגו׃

הוא בא לעדות להעיד על האור למען יאמינו כלם על ידו׃

הוא לא היה האור כי אם להעיד על האור׃

האור האמתי המאיר לכל אדם היה בא אל העולם׃

וזה הוא הדין כי האור בא אל העולם ובני האדם אהבו החשך מן האור כי רעים מעשיהם׃

כי כל פעל עולה ישנא את האור ולא יבא לאור פן יוכחו מעשיו׃

אבל עשה האמת יבא לאור למען יגלו מעשיו כי נעשו באלהים׃

ויאמר אליהם ישוע אך למצער יהיה האור עמכם התהלכו בעוד לכם האור פן ישופכם חשך וההלך בחשך לא ידע אנה הוא הלך׃

בעוד לכם האור האמינו באור למען תהיו בני האור את הדברים האלה דבר ישוע וילך לו ויסתר מפניהם׃