פסוקים על Leprosy

61 פסוקים · 50 היבטים

פסוקי מפתח

סינון לפי ספר
  1. וַיִּקְרָא י״ג:ל׳

    וראה הכהן את הנגע והנה מראהו עמק מן העור ובו שער צהב דק וטמא אתו הכהן נתק הוא צרעת הראש או הזקן הוא׃

  2. וַיִּקְרָא י״ג:ל״א

    וכי יראה הכהן את נגע הנתק והנה אין מראהו עמק מן העור ושער שחר אין בו והסגיר הכהן את נגע הנתק שבעת ימים׃

  3. וַיִּקְרָא י״ג:ל״ב

    וראה הכהן את הנגע ביום השביעי והנה לא פשה הנתק ולא היה בו שער צהב ומראה הנתק אין עמק מן העור׃

  4. וַיִּקְרָא י״ג:ל״ג

    והתגלח ואת הנתק לא יגלח והסגיר הכהן את הנתק שבעת ימים שנית׃

  5. וַיִּקְרָא י״ג:ל״ד

    וראה הכהן את הנתק ביום השביעי והנה לא פשה הנתק בעור ומראהו איננו עמק מן העור וטהר אתו הכהן וכבס בגדיו וטהר׃

  6. וַיִּקְרָא י״ג:ל״ה

    ואם פשה יפשה הנתק בעור אחרי טהרתו׃

  7. וַיִּקְרָא י״ג:ל״ו

    וראהו הכהן והנה פשה הנתק בעור לא יבקר הכהן לשער הצהב טמא הוא׃

  8. וַיִּקְרָא י״ג:ל״ז

    ואם בעיניו עמד הנתק ושער שחר צמח בו נרפא הנתק טהור הוא וטהרו הכהן׃

  9. וַיִּקְרָא י״ג:ל״ח

    ואיש או אשה כי יהיה בעור בשרם בהרת בהרת לבנת׃

  10. וַיִּקְרָא י״ג:ל״ט

    וראה הכהן והנה בעור בשרם בהרת כהות לבנת בהק הוא פרח בעור טהור הוא׃

  11. וַיִּקְרָא י״ג:מ׳

    ואיש כי ימרט ראשו קרח הוא טהור הוא׃

  12. וַיִּקְרָא י״ג:מ״א

    ואם מפאת פניו ימרט ראשו גבח הוא טהור הוא׃

  13. וַיִּקְרָא י״ג:מ״ב

    וכי יהיה בקרחת או בגבחת נגע לבן אדמדם צרעת פרחת הוא בקרחתו או בגבחתו׃

  14. וַיִּקְרָא י״ג:מ״ג

    וראה אתו הכהן והנה שאת הנגע לבנה אדמדמת בקרחתו או בגבחתו כמראה צרעת עור בשר׃

  15. וַיִּקְרָא י״ג:מ״ד

    איש צרוע הוא טמא הוא טמא יטמאנו הכהן בראשו נגעו׃

  16. וַיִּקְרָא י״ד:מ״ג

    ואם ישוב הנגע ופרח בבית אחר חלץ את האבנים ואחרי הקצות את הבית ואחרי הטוח׃

  17. וַיִּקְרָא י״ד:מ״ד

    ובא הכהן וראה והנה פשה הנגע בבית צרעת ממארת הוא בבית טמא הוא׃

  18. וַיִּקְרָא י״ד:מ״ה

    ונתץ את הבית את אבניו ואת עציו ואת כל עפר הבית והוציא אל מחוץ לעיר אל מקום טמא׃

  19. וַיִּקְרָא י״ד:מ״ט

    ולקח לחטא את הבית שתי צפרים ועץ ארז ושני תולעת ואזב׃

  20. וַיִּקְרָא י״ד:נ׳

    ושחט את הצפר האחת אל כלי חרש על מים חיים׃

  21. וַיִּקְרָא י״ד:נ״א

    ולקח את עץ הארז ואת האזב ואת שני התולעת ואת הצפר החיה וטבל אתם בדם הצפר השחוטה ובמים החיים והזה אל הבית שבע פעמים׃

  22. וַיִּקְרָא י״ד:נ״ב

    וחטא את הבית בדם הצפור ובמים החיים ובצפר החיה ובעץ הארז ובאזב ובשני התולעת׃

  23. וַיִּקְרָא י״ד:נ״ג

    ושלח את הצפר החיה אל מחוץ לעיר אל פני השדה וכפר על הבית וטהר׃

  24. וַיִּקְרָא כ״ב:ב׳

    דבר אל אהרן ואל בניו וינזרו מקדשי בני ישראל ולא יחללו את שם קדשי אשר הם מקדשים לי אני יהוה׃

  25. וַיִּקְרָא כ״ב:ג׳

    אמר אלהם לדרתיכם כל איש אשר יקרב מכל זרעכם אל הקדשים אשר יקדישו בני ישראל ליהוה וטמאתו עליו ונכרתה הנפש ההוא מלפני אני יהוה׃