פסוקים על Justification

ולא תהיה לי צדקתי מתוך התורה כי אם באמונת המשיח הצדקה הבאה מאת האלהים באמונה׃

גם אתכם המתים בפשעים ובערלת בשרכם החיה אתו בסלח לכם את כל פשעיכם׃

וימחק את השטר המעיד בנו בחקתיו אשר היה לנגדנו וישאהו מתוכנו ויתקעהו בצלב׃

ואתה איש בער התחפץ לדעת כי האמונה בבלי מעשים מתה היא׃

אברהם אבינו הלא במעשיו נצדק בהעלתו את יצחק בנו על המזבח׃

הנך ראה כי היתה האמונה עזרת למעשיו ומתוך המעשים השלמה האמונה׃

וימלא הכתוב האמר והאמן אברהם ביהוה ותחשב לו לצדקה ויקרא אהב יהוה׃