פסוקים על Jezebel

23 פסוקים · 7 היבטים

פסוקי מפתח

  1. 1 מְלָכִים י״ט:א׳

    ¶ ויגד אחאב לאיזבל את כל אשר עשה אליהו ואת כל אשר הרג את כל הנביאים בחרב׃

  2. 1 מְלָכִים י״ט:ב׳

    ותשלח איזבל מלאך אל אליהו לאמר כה יעשון אלהים וכה יוספון כי כעת מחר אשים את נפשך כנפש אחד מהם׃

  3. 1 מְלָכִים י״ט:ג׳

    וירא ויקם וילך אל נפשו ויבא באר שבע אשר ליהודה וינח את נערו שם׃

  4. 1 מְלָכִים כ״א:ה׳

    ותבא אליו איזבל אשתו ותדבר אליו מה זה רוחך סרה ואינך אכל לחם׃

  5. 1 מְלָכִים כ״א:ו׳

    וידבר אליה כי אדבר אל נבות היזרעאלי ואמר לו תנה לי את כרמך בכסף או אם חפץ אתה אתנה לך כרם תחתיו ויאמר לא אתן לך את כרמי׃

  6. 1 מְלָכִים כ״א:ז׳

    ותאמר אליו איזבל אשתו אתה עתה תעשה מלוכה על ישראל קום אכל לחם ויטב לבך אני אתן לך את כרם נבות היזרעאלי׃

  7. 1 מְלָכִים כ״א:ח׳

    ותכתב ספרים בשם אחאב ותחתם בחתמו ותשלח הספרים אל הזקנים ואל החרים אשר בעירו הישבים את נבות׃

  8. 1 מְלָכִים כ״א:ט׳

    ותכתב בספרים לאמר קראו צום והושיבו את נבות בראש העם׃

  9. 1 מְלָכִים כ״א:י׳

    והושיבו שנים אנשים בני בליעל נגדו ויעדהו לאמר ברכת אלהים ומלך והוציאהו וסקלהו וימת׃

  10. 1 מְלָכִים כ״א:י״א

    ויעשו אנשי עירו הזקנים והחרים אשר הישבים בעירו כאשר שלחה אליהם איזבל כאשר כתוב בספרים אשר שלחה אליהם׃

  11. 1 מְלָכִים כ״א:י״ב

    קראו צום והשיבו את נבות בראש העם׃

  12. 1 מְלָכִים כ״א:י״ג

    ויבאו שני האנשים בני בליעל וישבו נגדו ויעדהו אנשי הבליעל את נבות נגד העם לאמר ברך נבות אלהים ומלך ויצאהו מחוץ לעיר ויסקלהו באבנים וימת׃

  13. 1 מְלָכִים כ״א:י״ד

    וישלחו אל איזבל לאמר סקל נבות וימת׃

  14. 1 מְלָכִים כ״א:ט״ו

    ויהי כשמע איזבל כי סקל נבות וימת ותאמר איזבל אל אחאב קום רש את כרם נבות היזרעאלי אשר מאן לתת לך בכסף כי אין נבות חי כי מת׃

  15. 1 מְלָכִים כ״א:ט״ז

    ויהי כשמע אחאב כי מת נבות ויקם אחאב לרדת אל כרם נבות היזרעאלי לרשתו׃

  16. 2 מְלָכִים ט׳:ל׳

    ויבוא יהוא יזרעאלה ואיזבל שמעה ותשם בפוך עיניה ותיטב את ראשה ותשקף בעד החלון׃

  17. 2 מְלָכִים ט׳:ל״א

    ויהוא בא בשער ותאמר השלום זמרי הרג אדניו׃

  18. 2 מְלָכִים ט׳:ל״ב

    וישא פניו אל החלון ויאמר מי אתי מי וישקיפו אליו שנים שלשה סריסים׃

  19. 2 מְלָכִים ט׳:ל״ג

    ויאמר שמטהו וישמטוה ויז מדמה אל הקיר ואל הסוסים וירמסנה׃

  20. 2 מְלָכִים ט׳:ל״ד

    ויבא ויאכל וישת ויאמר פקדו נא את הארורה הזאת וקברוה כי בת מלך היא׃

  21. 2 מְלָכִים ט׳:ל״ה

    וילכו לקברה ולא מצאו בה כי אם הגלגלת והרגלים וכפות הידים׃

  22. 2 מְלָכִים ט׳:ל״ו

    וישבו ויגידו לו ויאמר דבר יהוה הוא אשר דבר ביד עבדו אליהו התשבי לאמר בחלק יזרעאל יאכלו הכלבים את בשר איזבל׃

  23. 2 מְלָכִים ט׳:ל״ז

    והית נבלת איזבל כדמן על פני השדה בחלק יזרעאל אשר לא יאמרו זאת איזבל׃