פסוקים על Jesse: Sons in Saul's army

16 פסוקים · 7 היבטים

פסוקים על Sons in Saul's army

  1. 1 שְׁמוּאֵל י״ז:י״ג

    וילכו שלשת בני ישי הגדלים הלכו אחרי שאול למלחמה ושם שלשת בניו אשר הלכו במלחמה אליאב הבכור ומשנהו אבינדב והשלשי שמה׃

  2. 1 שְׁמוּאֵל י״ז:י״ד

    ודוד הוא הקטן ושלשה הגדלים הלכו אחרי שאול׃

  3. 1 שְׁמוּאֵל י״ז:ט״ו

    ודוד הלך ושב מעל שאול לרעות את צאן אביו בית לחם׃

  4. 1 שְׁמוּאֵל י״ז:ט״ז

    ויגש הפלשתי השכם והערב ויתיצב ארבעים יום׃

  5. 1 שְׁמוּאֵל י״ז:י״ז

    ויאמר ישי לדוד בנו קח נא לאחיך איפת הקליא הזה ועשרה לחם הזה והרץ המחנה לאחיך׃

  6. 1 שְׁמוּאֵל י״ז:י״ח

    ואת עשרת חרצי החלב האלה תביא לשר האלף ואת אחיך תפקד לשלום ואת ערבתם תקח׃

  7. 1 שְׁמוּאֵל י״ז:י״ט

    ושאול והמה וכל איש ישראל בעמק האלה נלחמים עם פלשתים׃

  8. 1 שְׁמוּאֵל י״ז:כ׳

    וישכם דוד בבקר ויטש את הצאן על שמר וישא וילך כאשר צוהו ישי ויבא המעגלה והחיל היצא אל המערכה והרעו במלחמה׃

  9. 1 שְׁמוּאֵל י״ז:כ״א

    ותערך ישראל ופלשתים מערכה לקראת מערכה׃

  10. 1 שְׁמוּאֵל י״ז:כ״ב

    ויטש דוד את הכלים מעליו על יד שומר הכלים וירץ המערכה ויבא וישאל לאחיו לשלום׃

  11. 1 שְׁמוּאֵל י״ז:כ״ג

    והוא מדבר עמם והנה איש הבנים עולה גלית הפלשתי שמו מגת ממערות פלשתים וידבר כדברים האלה וישמע דוד׃

  12. 1 שְׁמוּאֵל י״ז:כ״ד

    וכל איש ישראל בראותם את האיש וינסו מפניו וייראו מאד׃

  13. 1 שְׁמוּאֵל י״ז:כ״ה

    ויאמר איש ישראל הראיתם האיש העלה הזה כי לחרף את ישראל עלה והיה האיש אשר יכנו יעשרנו המלך עשר גדול ואת בתו יתן לו ואת בית אביו יעשה חפשי בישראל׃

  14. 1 שְׁמוּאֵל י״ז:כ״ו

    ויאמר דוד אל האנשים העמדים עמו לאמר מה יעשה לאיש אשר יכה את הפלשתי הלז והסיר חרפה מעל ישראל כי מי הפלשתי הערל הזה כי חרף מערכות אלהים חיים׃

  15. 1 שְׁמוּאֵל י״ז:כ״ז

    ויאמר לו העם כדבר הזה לאמר כה יעשה לאיש אשר יכנו׃

  16. 1 שְׁמוּאֵל י״ז:כ״ח

    וישמע אליאב אחיו הגדול בדברו אל האנשים ויחר אף אליאב בדוד ויאמר למה זה ירדת ועל מי נטשת מעט הצאן ההנה במדבר אני ידעתי את זדנך ואת רע לבבך כי למען ראות המלחמה ירדת׃