פסוקים על Homestead

10 פסוקים · 2 היבטים

פסוקי מפתח

וַיִּקְרָא כ״ה:כ״ה
כי ימוך אחיך ומכר מאחזתו ובא גאלו הקרב אליו וגאל את ממכר אחיו׃
וַיִּקְרָא כ״ה:כ״ו
ואיש כי לא יהיה לו גאל והשיגה ידו ומצא כדי גאלתו׃
וַיִּקְרָא כ״ה:כ״ז
וחשב את שני ממכרו והשיב את העדף לאיש אשר מכר לו ושב לאחזתו׃
וַיִּקְרָא כ״ה:כ״ח
ואם לא מצאה ידו די השיב לו והיה ממכרו ביד הקנה אתו עד שנת היובל ויצא ביבל ושב לאחזתו׃
וַיִּקְרָא כ״ה:כ״ט
ואיש כי ימכר בית מושב עיר חומה והיתה גאלתו עד תם שנת ממכרו ימים תהיה גאלתו׃
וַיִּקְרָא כ״ה:ל׳
ואם לא יגאל עד מלאת לו שנה תמימה וקם הבית אשר בעיר אשר לא חמה לצמיתת לקנה אתו לדרתיו לא יצא ביבל׃
וַיִּקְרָא כ״ה:ל״א
ובתי החצרים אשר אין להם חמה סביב על שדה הארץ יחשב גאלה תהיה לו וביבל יצא׃
וַיִּקְרָא כ״ה:ל״ב
וערי הלוים בתי ערי אחזתם גאלת עולם תהיה ללוים׃
וַיִּקְרָא כ״ה:ל״ג
ואשר יגאל מן הלוים ויצא ממכר בית ועיר אחזתו ביבל כי בתי ערי הלוים הוא אחזתם בתוך בני ישראל׃
וַיִּקְרָא כ״ה:ל״ד
ושדה מגרש עריהם לא ימכר כי אחזת עולם הוא להם׃