פסוקים על Gomorrah

11 פסוקים · 4 היבטים

פסוקי מפתח

בְּרֵאשִׁית י״ד:ח׳
ויצא מלך סדם ומלך עמרה ומלך אדמה ומלך צביים ומלך בלע הוא צער ויערכו אתם מלחמה בעמק השדים׃
בְּרֵאשִׁית י״ד:ט׳
את כדרלעמר מלך עילם ותדעל מלך גוים ואמרפל מלך שנער ואריוך מלך אלסר ארבעה מלכים את החמשה׃
בְּרֵאשִׁית י״ד:י׳
ועמק השדים בארת בארת חמר וינסו מלך סדם ועמרה ויפלו שמה והנשארים הרה נסו׃
בְּרֵאשִׁית י״ד:י״א
ויקחו את כל רכש סדם ועמרה ואת כל אכלם וילכו׃
בְּרֵאשִׁית י״ט:כ״ד
ויהוה המטיר על סדם ועל עמרה גפרית ואש מאת יהוה מן השמים׃
בְּרֵאשִׁית י״ט:כ״ה
ויהפך את הערים האל ואת כל הככר ואת כל ישבי הערים וצמח האדמה׃
בְּרֵאשִׁית י״ט:כ״ו
ותבט אשתו מאחריו ותהי נציב מלח׃
בְּרֵאשִׁית י״ט:כ״ז
וישכם אברהם בבקר אל המקום אשר עמד שם את פני יהוה׃
בְּרֵאשִׁית י״ט:כ״ח
וישקף על פני סדם ועמרה ועל כל פני ארץ הככר וירא והנה עלה קיטר הארץ כקיטר הכבשן׃
יְשַׁעְיָהוּ א׳:ט׳
לולי יהוה צבאות הותיר לנו שריד כמעט כסדם היינו לעמרה דמינו׃
יְשַׁעְיָהוּ א׳:י׳
שמעו דבר יהוה קציני סדם האזינו תורת אלהינו עם עמרה׃