פסוקים על Flattery

והשכים אבשלום ועמד על יד דרך השער ויהי כל האיש אשר יהיה לו ריב לבוא אל המלך למשפט ויקרא אבשלום אליו ויאמר אי מזה עיר אתה ויאמר מאחד שבטי ישראל עבדך׃

ויאמר אליו אבשלום ראה דברך טובים ונכחים ושמע אין לך מאת המלך׃

ויאמר אבשלום מי ישמני שפט בארץ ועלי יבוא כל איש אשר יהיה לו ריב ומשפט והצדקתיו׃

והיה בקרב איש להשתחות לו ושלח את ידו והחזיק לו ונשק לו׃

ויעש אבשלום כדבר הזה לכל ישראל אשר יבאו למשפט אל המלך ויגנב אבשלום את לב אנשי ישראל׃

אל נא אשא פני איש ואל אדם לא אכנה׃

כי לא ידעתי אכנה כמעט ישאני עשני׃

יהוה נחני בצדקתך למען שוררי הושר לפני דרכך׃

כי אין בפיהו נכונה קרבם הוות קבר פתוח גרונם לשונם יחליקון׃

שוא ידברו איש את רעהו שפת חלקות בלב ולב ידברו׃

יכרת יהוה כל שפתי חלקות לשון מדברת גדלות׃

הטתו ברב לקחה בחלק שפתיה תדיחנו׃

הולך אחריה פתאם כשור אל טבח יבוא וכעכס אל מוסר אויל׃

עד יפלח חץ כבדו כמהר צפור אל פח ולא ידע כי בנפשו הוא׃

כי אם כאשר נחשבנו נאמנים לאלהים להפקיד בידנו את הבשורה כן נדבר ולא כחפצים להיות רצוים לבני אדם כי אם לאלהים הבחן לבותנו׃

כי מעולם לא דברנו בשפת חלקות כאשר ידעתם וגם לא למען בצע בצע האלהים עד׃

גם לא בקשנו מן האדם כבוד לא מכם ולא מאחרים אף כי היה לנו מקום להתכבד כשליחי המשיח׃