פסוקים על Feast of Tabernacles

ושעיר עזים אחד חטאת מלבד עלת התמיד מנחתה ונסכה׃

וביום החמישי פרים תשעה אילם שנים כבשים בני שנה ארבעה עשר תמימם׃

ומנחתם ונסכיהם לפרים לאילם ולכבשים במספרם כמשפט׃

ושעיר חטאת אחד מלבד עלת התמיד ומנחתה ונסכה׃

וביום הששי פרים שמנה אילם שנים כבשים בני שנה ארבעה עשר תמימם׃

ומנחתם ונסכיהם לפרים לאילם ולכבשים במספרם כמשפט׃

ושעיר חטאת אחד מלבד עלת התמיד מנחתה ונסכיה׃

וביום השביעי פרים שבעה אילם שנים כבשים בני שנה ארבעה עשר תמימם׃

ומנחתם ונסכהם לפרים לאילם ולכבשים במספרם כמשפטם׃

ושעיר חטאת אחד מלבד עלת התמיד מנחתה ונסכה׃

ביום השמיני עצרת תהיה לכם כל מלאכת עבדה לא תעשו׃

והקרבתם עלה אשה ריח ניחח ליהוה פר אחד איל אחד כבשים בני שנה שבעה תמימם׃

מנחתם ונסכיהם לפר לאיל ולכבשים במספרם כמשפט׃

ושעיר חטאת אחד מלבד עלת התמיד ומנחתה ונסכה׃

אלה תעשו ליהוה במועדיכם לבד מנדריכם ונדבתיכם לעלתיכם ולמנחתיכם ולנסכיכם ולשלמיכם׃

ויאמר משה אל בני ישראל ככל אשר צוה יהוה את משה׃

חג הסכת תעשה לך שבעת ימים באספך מגרנך ומיקבך׃

ושמחת בחגך אתה ובנך ובתך ועבדך ואמתך והלוי והגר והיתום והאלמנה אשר בשעריך׃

שבעת ימים תחג ליהוה אלהיך במקום אשר יבחר יהוה כי יברכך יהוה אלהיך בכל תבואתך ובכל מעשה ידיך והיית אך שמח׃

שלוש פעמים בשנה יראה כל זכורך את פני יהוה אלהיך במקום אשר יבחר בחג המצות ובחג השבעות ובחג הסכות ולא יראה את פני יהוה ריקם׃

ויצו משה אותם לאמר מקץ שבע שנים במעד שנת השמטה בחג הסכות׃

בבוא כל ישראל לראות את פני יהוה אלהיך במקום אשר יבחר תקרא את התורה הזאת נגד כל ישראל באזניהם׃

הקהל את העם האנשים והנשים והטף וגרך אשר בשעריך למען ישמעו ולמען ילמדו ויראו את יהוה אלהיכם ושמרו לעשות את כל דברי התורה הזאת׃

ויעש ירבעם חג בחדש השמיני בחמשה עשר יום לחדש כחג אשר ביהודה ויעל על המזבח כן עשה בבית אל לזבח לעגלים אשר עשה והעמיד בבית אל את כהני הבמות אשר עשה׃

ויעל על המזבח אשר עשה בבית אל בחמשה עשר יום בחדש השמיני בחדש אשר בדא מלבד ויעש חג לבני ישראל ויעל על המזבח להקטיר׃