פסוקים על Falsehood: General references

נפש כי תחטא ומעלה מעל ביהוה וכחש בעמיתו בפקדון או בתשומת יד או בגזל או עשק את עמיתו׃

או מצא אבדה וכחש בה ונשבע על שקר על אחת מכל אשר יעשה האדם לחטא בהנה׃

והיה כי יחטא ואשם והשיב את הגזלה אשר גזל או את העשק אשר עשק או את הפקדון אשר הפקד אתו או את האבדה אשר מצא׃

או מכל אשר ישבע עליו לשקר ושלם אתו בראשו וחמשתיו יסף עליו לאשר הוא לו יתננו ביום אשמתו׃

ואת אשמו יביא ליהוה איל תמים מן הצאן בערכך לאשם אל הכהן׃

וכפר עליו הכהן לפני יהוה ונסלח לו על אחת מכל אשר יעשה לאשמה בה׃

לא תגנבו ולא תכחשו ולא תשקרו איש בעמיתו׃

ולא תשבעו בשמי לשקר וחללת את שם אלהיך אני יהוה׃

אם הלכתי עם שוא ותחש על מרמה רגלי׃

ישקלני במאזני צדק וידע אלוה תמתי׃

שוא ידברו איש את רעהו שפת חלקות בלב ולב ידברו׃

יכרת יהוה כל שפתי חלקות לשון מדברת גדלות׃

פיך שלחת ברעה ולשונך תצמיד מרמה׃

תשב באחיך תדבר בבן אמך תתן דפי׃

הוות תחשב לשונך כתער מלטש עשה רמיה׃

אהבת רע מטוב שקר מדבר צדק סלה׃

אהבת כל דברי בלע לשון מרמה׃

גם אל יתצך לנצח יחתך ויסחך מאהל ושרשך מארץ חיים סלה׃

יהוה הצילה נפשי משפת שקר מלשון רמיה׃

מה יתן לך ומה יסיף לך לשון רמיה׃

חצי גבור שנונים עם גחלי רתמים׃

להצילך מדרך רע מאיש מדבר תהפכות׃

העזבים ארחות ישר ללכת בדרכי חשך׃

השמחים לעשות רע יגילו בתהפכות רע׃

אשר ארחתיהם עקשים ונלוזים במעגלותם׃