פסוקים על Ethiopia: Desolation of

17 פסוקים · 15 היבטים

פסוקים על Desolation of

יְשַׁעְיָהוּ י״ח:א׳
¶ הוי ארץ צלצל כנפים אשר מעבר לנהרי כוש׃
יְשַׁעְיָהוּ י״ח:ב׳
השלח בים צירים ובכלי גמא על פני מים לכו מלאכים קלים אל גוי ממשך ומורט אל עם נורא מן הוא והלאה גוי קו קו ומבוסה אשר בזאו נהרים ארצו׃
יְשַׁעְיָהוּ י״ח:ג׳
כל ישבי תבל ושכני ארץ כנשא נס הרים תראו וכתקע שופר תשמעו׃
יְשַׁעְיָהוּ י״ח:ד׳
כי כה אמר יהוה אלי אשקוטה ואביטה במכוני כחם צח עלי אור כעב טל בחם קציר׃
יְשַׁעְיָהוּ י״ח:ה׳
כי לפני קציר כתם פרח ובסר גמל יהיה נצה וכרת הזלזלים במזמרות ואת הנטישות הסיר התז׃
יְשַׁעְיָהוּ י״ח:ו׳
יעזבו יחדו לעיט הרים ולבהמת הארץ וקץ עליו העיט וכל בהמת הארץ עליו תחרף׃
יְשַׁעְיָהוּ כ׳:ב׳
בעת ההיא דבר יהוה ביד ישעיהו בן אמוץ לאמר לך ופתחת השק מעל מתניך ונעלך תחלץ מעל רגליך ויעש כן הלך ערום ויחף׃
יְשַׁעְיָהוּ כ׳:ג׳
ויאמר יהוה כאשר הלך עבדי ישעיהו ערום ויחף שלש שנים אות ומופת על מצרים ועל כוש׃
יְשַׁעְיָהוּ כ׳:ד׳
כן ינהג מלך אשור את שבי מצרים ואת גלות כוש נערים וזקנים ערום ויחף וחשופי שת ערות מצרים׃
יְשַׁעְיָהוּ כ׳:ה׳
וחתו ובשו מכוש מבטם ומן מצרים תפארתם׃
יְשַׁעְיָהוּ כ׳:ו׳
ואמר ישב האי הזה ביום ההוא הנה כה מבטנו אשר נסנו שם לעזרה להנצל מפני מלך אשור ואיך נמלט אנחנו׃
יְחֶזְקֵאל ל׳:ד׳
ובאה חרב במצרים והיתה חלחלה בכוש בנפל חלל במצרים ולקחו המונה ונהרסו יסודתיה׃
יְחֶזְקֵאל ל׳:ה׳
כוש ופוט ולוד וכל הערב וכוב ובני ארץ הברית אתם בחרב יפלו׃
יְחֶזְקֵאל ל׳:ו׳
כה אמר יהוה ונפלו סמכי מצרים וירד גאון עזה ממגדל סונה בחרב יפלו בה נאם אדני יהוה׃
יְחֶזְקֵאל ל׳:ז׳
ונשמו בתוך ארצות נשמות ועריו בתוך ערים נחרבות תהיינה׃
יְחֶזְקֵאל ל׳:ח׳
וידעו כי אני יהוה בתתי אש במצרים ונשברו כל עזריה׃
יְחֶזְקֵאל ל׳:ט׳
ביום ההוא יצאו מלאכים מלפני בצים להחריד את כוש בטח והיתה חלחלה בהם ביום מצרים כי הנה באה׃